Upraŭleńniem Śledčaha kamiteta pa Bresckaj vobłaści zavieršana rasśledavańnie kryminalnaj spravy pa abvinavačańni dvuch mužčyn u kamiercyjnym špijanažy i chabarnictvie, paviedamlaje sk.gov.by.
Śledstvam ustanoŭlena, što abvinavačanyja niezakonnym sposabam atrymali źviestki pra technałohiju vytvorčaści smały, a taksama ab receptury farby, jakija vykarystoŭvajucca dla naniasieńnia darožnaj raźmietki, što byli raspracavanyja i ŭžyvalisia pry vytvorčaści adnym z pradpryjemstvaŭ. Pakazanyja źviestki składali kamiercyjnuju tajnu hetaj arhanizacyi.
Za atrymańnie infarmacyi fihuranty pieradali słužbovaj asobie pradpryjemstva ŭ jakaści chabaru hrašovyja srodki ŭ 2 500 dalaraŭ ZŠA. Usiaho ž płanavałasia, što suma budzie ŭdvaja bolšaj — 5 000 dalaraŭ ZŠA.
Pry pieradačy hrašovych srodkaŭ u jakaści častki chabaru abvinavačanyja byli zatrymanyja supracoŭnikami šostaha ŭpraŭleńnia (pa Bresckaj vobłaści) hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Respubliki Biełaruś i AMAPa.
Abvinavačanyja całkam pryznali svaju vinu, ich dziejańni kvalifikavanyja pa č. 1 art. 254 (kamiercyjny špijanaž), č. 1 art. 14 i č. 2 art. 431 (zamach na daču chabaru ŭ bujnym pamiery) Kryminalnaha kodeksa Respubliki Biełaruś.
Pry rasśledavańni kryminalnaj spravy śledčym byli dapytanyja śviedki, praviedziena vočnaja staŭka, ahledžany pradmiety i dakumienty, jakija majuć značeńnie dla kryminalnaj spravy. Na majomaść abvinavačanych nakładzieny aryšt.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma11
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary