Nacyjanalny balet Hruzii «Suchišvili» daŭno nabyŭ suśvietnuju viadomaść i luboŭ publiki. Ich nazyvajuć «vośmym cudam śvietu», «urahanam na scenie», «čaraŭnictvam z Hruzii», a ŭsie kancerty prachodziać pry niaźmiennym anšłahu ŭ kožnaj krainie i horadzie. Biełaruś nie vyklučeńnie: prychilniki trupy ź nieciarpieńniem čakajuć hastrolaŭ «Suchišvili» u našaj krainie i zaŭsiody sustrakajuć kalektyŭ avacyjami i zachoplenymi vodhukami. Nacyjanalny balet Hruzii «Suchišvili» viartajecca z novym šou ŭžo hetaj zimoju: 24 lutaha trupa vystupić u Babrujsku, 25 lutaha — u Minsku, a 27 lutaha — u Homieli. Kvitki na šou u hetych haradach užo ŭ prodažy.
Dynastyja Suchišvili-Rymišvili i zastupnictva Stalina
Nacyjanalny balet Hruzii byŭ zasnavany vybitnymi hruzinskimi tancoŭščykami Iliko Suchišvili i Nino Rymišvili ŭ 1945 hodzie, choć dazvoł ad Stalina byŭ atrymany jašče ŭ 1937 hodzie. Naohuł, Stalin zachaplaŭsia tancami Iliko Suchišvili i, možna skazać, byŭ zastupnikam jaho baleta: u 1943 hodzie kalektyŭ, nie majučy statusu, vystupiŭ na sustrečy znakamitaj «trojki» Stalina, Ruźvielta i Čerčyla ŭ Tehieranie. A partret z aŭtohrafam pravadyra nieadnarazova ratavaŭ Suchišvili ad hanieńniaŭ miascovaj palicyi i administracyi Hruzii.
Ideja pieršaha prafiesijnaha baleta hruzinskaha tanca niepadzielna naležała Iliko: jon žyŭ hetaj maraj i, viadoma, byŭ dušoj trupy, natchniajučy kožnaha tancoŭščyka svaim prykładam. Nino i Iliko chaciełasia pakazać usiamu śvietu, nakolki unikalnaja i bahataja kulturnaja spadčyna maleńkaj Hruzii. I na praciahu ŭžo 72 hadoŭ niaźmienna kiruje baletam i ŭvasablaje ŭsie płany ŭ žyćcio cełaja dynastyja Suchišvili-Rymišvili. Siońnia ŭsimi spravami baleta zajmajucca ŭnuki vialikich tancoŭščykaŭ — Iliko Suchišvili małodšy — hałoŭny chareohraf, a Nino Suchišvili — dyrektar trupy.
Suśvietny pośpiech, kniha rekordaŭ Hinesa i kalekcyja Iŭ Sen-Łarana
Ź pieršych dzion zasnavańnia «Suchišvili» hastralavali pa ŭsim śviecie, dziviačy svaimi tancami žycharoŭ płaniety. Pierad pieršym kancertam baleta ŭ Paryžy, čarha da kancertnaj zały raściahnułasia na try kvartały. Iliko tady pryznaŭsia, što nikoli ŭ žyćci nie bačyŭ padobnaha. Na vystupie prysutničała šmat viadomych ludziej: baletmajstar Sierž Lifar, kinazorki Simona Sińjory, Iŭ Mantan, Žerar Filip, Žan Mare, piśmieńnik Łui Arahon i inšyja. U adnym i tym ža zale ŭ Paryžy «Suchišvili» praviali 35 anšłahavych kancertaŭ zapar.
Darečy, mienavita paśla hastrolaŭ u Francyi ŭ žanočuju modu ŭvajšli vysokija boty i abjomnyja futravyja šapki. A ŭ kalekcyi Iŭ Sien-Łarana źjavilisia vialikija pałasatyja pajasy z bantam, jakija papularnyja i ciapier.
Historyja trupy bahataja na nievierahodnyja padziei, mnohija ź jakich užo stali lehiendami. Tak, u 1935 hodzie «Suchišvili» viarnulisia ŭ SSSR z załatym miedalom z Suśvietnaha fiestyvalu narodnaha tanca, jaki prachodziŭ u Łondanie. Karaleva Vialikabrytanii, zachoplenaja vystupam, asabista ŭručyła jaho Iliko Suchišvili na pryjomie ŭ Vindzorskim pałacy. Uschvalavany Iliko nie viedajučy, jak pavodzić siabie ŭ takich situacyjach, prosta pacałavaŭ joj ruku. Uvieś Saviecki Sajuz abmiarkoŭvaŭ hety vypadak: navat sam Stalin pry sustrečy ź Iliko nahadaŭ jamu pra pacałunak, na što tancoŭščyk tolki pačyrvanieŭ, ale Stalin skazaŭ jamu, što jon pravilna pastupiŭ: «Čamu jany pavinny dumać, što my niecyvilizavanyja?»
Nacyjanalny balet Hruzii «Suchišvili» staŭ adzinym ansamblem narodnaha tanca, jakomu dali prava vystupić na znakamitaj scenie Ła Skała ŭ Miłanie ŭ 1967 hodzie. Kancert zrabiŭ furor, a «Suchišvili» zanieśli ŭ knihu rekordaŭ Hinesa: zasłonu ŭzdymali 14 razoŭ! Takim čynam byŭ pabity rekord Enryka Karuza, paśla vystupleńnia jakoha zasłona ŭzdymałasia 11 razoŭ.
«Suchišvili» siońnia: tradycyi i sučasnaja chareahrafija
Tancy, pastaŭlenyja baletam za 72 hady, užo stali tradycyjnymi. Naturalna, u płyni času ŭsie ruchi davodzilisia da daskanałaści, była palepšanaja i źmienienaja struktura, architektonika i asobnyja kroki kožnaha tanca. Štodzionny pošuk praciahvajecca i siońnia: hladač bačyć, jak mianiajucca pastanoŭki i jak virtuozna «Suchišvili» sumiaščajuć tradycyjny hruzinski taniec i elemienty sučasnaj chareahrafii.
U «Suchišvili» usio pa-sapraŭdnamu: piakučy zapał, nievierahodnaja chutkaść, hracyjoznaść i žanockaść hruzinskich žančyn, jakija łunajuć nad scenaj navat nie dakranajučysia parkieta, i iskry ad niebiaśpiečnych tancaŭ haračych hruzinskich mužčyn. Darečy, vizitnaja kartka ansambla — «Taniec na palcach». Heta znakamity chareahrafičny numar, jaki patrabuje najvyšejšaha majsterstva tancoŭščyka. Jamu pačynajuć vučycca z 5-ci hadoŭ i majsterstva adtočvajuć na praciahu ŭsiaho žyćcia. Darečy, u hetym ruchu prysutničaje i elemient spakušeńnia: zdaŭna ličyłasia, što stanovicca na kaleni pierad pryhažuniaj nieprymalna, a voś na palcy — asablivy šyk i zachapleńnie.
Siońnia ansambl składajecca z 500 tancoraŭ i ŭłasnaha arkiestra. Za čas svajho isnavańnia kalektyŭ pabyvaŭ u bolš čym 250 turne, abjeździŭ 5 kantynientaŭ i bolš za 100 krain śvietu, pravioŭ 18 za 300 kancertaŭ, skaryŭšy svaimi vystupami bolš za 9 miljonaŭ čałaviek. U kalekcyi «Suchišvili» bolš za 2500 sceničnych kaściumaŭ, mnohija ź jakich užo znachodziacca ŭ muziei baleta. Darečy, Nacyjanalny balet Hruzii «Suchišvili» zastrachavaŭ svoj tancavalny talent na 1 miljon łary - kala 372 tysiač dołaraŭ. Heta pieršy vypadak u historyi strachavańnia Hruzii, kali tancavalny ansambl zastrachavaŭ ŭvieś skład kalektyvu, uklučajučy muzykaŭ.
Biez ŭzrostavaha abmiežavańnia
Babrujsk, 24 lutaha, Pałac mastactvaŭ. Pačatak u 19:00. Košt kvitkoŭ: 50 — 80 rub.
Minsk, 25 lutaha, Pałac Respubliki. Pačatak u 19:00. Košt kvitkoŭ: 32 — 132 rub.
Homiel, 27 lutaha, AKC. Pačatak u 19:00. Košt kvitkoŭ: 44 — 80 rub.
Kvitki biez kamisii na sajcie allstars.by, u biletnych apierataraŭ, a taksama ŭ kasach vašaha horada.
Daviedki pa telefonie: +375 29 650 11 33
Kamientary