Volha Viłuchina i Jana Ramanava dyskvalifikavanyja pažyćciova.
Mižnarodny alimpijski kamitet pryznaŭ vinavatymi ŭ parušeńni antydopinhavych praviłaŭ bijatłanistak Volhu Viłuchinu i Janu Ramanavu. Jany dyskvalifikavanyja pažyćciova, a ich vyniki na Alimpijadzie ŭ Sočy anulavanyja. Pra heta paviedamlaje pres-słužba kamiteta.
U vyniku hetaha rašeńnia zbornaja Rasii straciła dva siarebranyja miedali, zavajavanyja ŭ Sočy: Viłuchina ŭ 2014 hodzie stała druhoj u spryncie, a taksama razam z Ramanavaj uvajšła ŭ skład estafietnaj kamandy, jakaja vyjhrała srebra. Svaje miedali pavinny buduć zdać Volha Zajcava i Kaciaryna Šumiłava, jakija taksama ŭdzielničali ŭ estafiecie. Biełaruś u estafiecie pieramiaščajecca na 4-je miesca.
Alaksiej Niehadajła i Dźmitryj Truniankoŭ zavajavali zołata ŭ spabornictvach čaćviorak na Alimpijadzie ŭ Sočy, adnak ich vynik byŭ užo skasavany 24 listapada. Tady vinavatymi ŭ parušeńni antydopinhavych praviłaŭ byli pryznanyja Alaksandr Zubkoŭ i Alaksiej Vajavoda, jakija taksama prymali ŭdzieł u zajezdach čaćviorak. Niehadajłu i Truniankovu zabaroniena ŭdzielničać u spabornictvach pad ehidaj MAK u luboj jakaści.
U Rasii zabrali ŭžo 11 miedaloŭ chatnich Hulniaŭ. I heta jašče daloka nie kaniec. Na nastupnym tydni budzie pryniata rašeńnie naohuł ab dopusku Rasii da Alimpijady-2018.
Voś tak tablica ŭznaharod vyhladała da dyskvalifikacyj:
| Miesca | Kraina | Zołata | Srebra | Bronza | Usiaho |
| 1 | Rasija | 13 | 11 | 9 | 33 |
| 2 | Narviehija | 11 | 5 | 10 | 26 |
| 3 | Kanada | 10 | 10 | 5 | 25 |
| 4 | ZŠA | 9 | 7 | 12 | 28 |
| 5 | Niderłandy | 8 | 7 | 9 | 24 |
A ciapier tablica vyhladaje tak
| Miesca | Kraina | Zołata | Srebra | Bronza | Usiaho |
| 1 | Narviehija | 11 | 7 | 11 | 28 |
| 2 | Kanada | 10 | 10 | 5 | 25 |
| 3 | Rasija | 10 | 5 | 9 | 24 |
| 4 | ZŠA | 9 | 10 | 11 | 30 |
| 5 | Niderłandy | 8 | 8 | 8 | 24 |
Kamientary