Pierachod kala handlovaha centra «Zamak» u Minsku likvidavany. Śviatłafory demantavanyja, ciaham nočy tut pastavili aharodžu, kab ludzi nie pierasiakali praśpiekta Pieramožcaŭ u hetym miescy.
Adnačasova viaducca pracy pa arhanizacyi biaśpiečnaha padychodu da «Zamka» z boku padziamielnaha pierachoda na rahu praśpiekta i vulicy Sapioraŭ, proci zavoda «Atłant». Ad raźmieščanaha kala jaho prypynku hramadskaha transpartu da hałoŭnaha ŭvachoda ŭ «Zamak» kala 400 mietraŭ.
Prypynak hramadskaha transpartu «Płošča Dziaržaŭnaha ściaha» časova admienieny z boku płoščy (aŭtobusy i tralejbusy nie spyniajucca pry ruchu ŭ kirunku vulicy Arłoŭskaja).
Nahadajem, što 2 śniežnia na piešachodnym pierachodzie kala «Zamka» hruzavy aŭtamabil prataraniŭ piešachodaŭ na pierachodzie. Zahinuła dziaŭčynka, jašče niekalki čałaviek atrymali ciažkija traŭmy. Pierachod tam raniej byŭ dvuchetapny. Kab pierasiekčy praśpiekt, tre' było dajści da siaredziny i tam čakać zialonaha śviatła na procilehłym kirunku praśpiekta.
Praśpiekt Pieramožcaŭ (raniej — Mašerava) — prezidenckaja trasa. Sam «Zamak» — prestyžny handlovy moł nasuprać pałaca Niezaležnaści, jaki było dazvolena zbudavać nabližanamu da Alaksandra Łukašenki multymiljanieru Tapuzidzisu (ułaśniku «Karony», «Tytuń-inviesta»).
Kamientary