Za 20 rubloŭ 18 kapiejek zdajuć kvateru na sutki na Novy hod. U čym padvoch?
Niezvyčajnaja prapanova pa zdačy kvater na sutki źjaviłasia ŭ internecie. Usiaho za 20 rubloŭ 18 kapiejek prapanujuć źniać dvuchpakajovuju kvateru z ramontam i meblaj u Novaj Baravoj z 31 śniežnia pa 1 studzienia i pahruzicca z hałavoj u navahodniuju atmaśfieru. Pry hetym uładalniki hatovyja nakryć stoł na 10 čałaviek i navat dazvalajuć nie myć posud paśla śviata. Akramia simvaličnaj płaty, jość adna prostaja ŭmova — napisać Dziedu Marozu, čamu mienavita vy zasłuhoŭvajecie takoha padarunka. Kvaterazdymščyka vybieruć da 21 śniežnia.
Źniać kvateru moža luby hramadzianin Biełarusi, jaki dasiahnuŭ 18 hadoŭ. Zajaŭku možna pakinuć na novajaborovaja.bieł i tut ža možna napisać darosły list Dziedu Marozu z raspoviedam pra toje, što dobraha vy zrabili ŭ minułym hodzie i čamu mienavita vy i vaša kampanija pavinny pravieści Novy hod u kvatery, dzie «ŭsio ŭklučana».
U kvatery niekalki spalnych miescaŭ. Akramia stała z aliŭje, mandarynami i h.d., sierviravanym na 10 pierson, kvaterazdymščyka paciešać i inšyja abaviazkovyja atrybuty Novaha hoda: jalinka, lichtaryki, televizar z navahodnim zvarotam. Ale samaje hałoŭnaje budzie adbyvacca ŭ dvary, a dakładniej na centralnaj płoščy.
Centralnaja płošča Novaj Baravoj užo ciapier nahadvaje kaladny markiet dzie-niebudź u Drezdenie: jalinka, iluminacyja, kava z karycaj. Na Novy hod tut buduć pakazvać navahodnija filmy, a žychary rajona buduć choram śpiavać karaokie. Dla dziaciej zładziać navahodni pakaz u styli imiersiŭnaha teatra prosta na vulicy — kali hladzielnaja zała i scena abjadnanyja, a akciory i hledačy pieramiašanyja pamiž saboj.
Miarkujučy pa prahramie śviatkavańnia Novaha hoda, kvatera padydzie jak moładzievaj kampanii, tak i siamiejnaj pary ź dziećmi. Darečy, arendadaŭca taksama abiacaje vyklikać taksi na ranicu dla haściej — kab nie baleła hałava, jak dabracca da doma. Klučy možna budzie atrymać 31-ha ranicaj, a vyjechać uviečary 1 studzienia.
Jak vynikaje z abjavy, zdajecca tak zvanaja demanstracyjnaja kvatera, jakuju pakazvajuć patencyjnym pakupnikam žylla ŭ rajonie. Pakolki 31 śniežnia i 1 studzienia adździeł prodažaŭ nie pracuje, zabudoŭščyk «A-100 Deviełapmient» vyrašyŭ, što pamiaškańnie nie pavinna prastojvać. Rašeńnie ab tym, nakolki dobra vy siabie pavodzili i ci zasłuhoŭvajecie niezvyčajnaha padarunka, prymie zabudoŭščyk razam z maleńkimi žycharami Novaj Baravoj da 21 śniežnia ŭklučna.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary