Skalijoz? Jakaja drobiaź, zdavałasia b, lohkaje parušeńnie pastavy. Ale z hadami pačynajuć baleć śpina, hałava, źbivajecca praca lohkich, serca, kišačnika — lepš i tańniej paźbiehnuć hetaha, čym potym lačyć.
Pastavaj treba zajmacca z samaha dziacinstva, i pieršaje, z čaho varta pačać — mebla, na jakoj i za jakoj siadzić vaša dzicia. Šlach da zdaroŭja na ŭsio žyćcio pačynajecca litaralna z 5—6 hadovaha vieku, kali čałaviek vyrastaje ź dziciačaha kresiełka i, napiaredadni škoły, atrymlivaje svoj pieršy stoł.
Budziem spadziavacca, hety artykuł źbieraže mnohich baćkoŭ ad zanadta lehkadumnaha staŭleńnia ci sprobaŭ aščadzić na dziciačaj mebli. U nas ža jak zazvyčaj robicca? Za jakim stałom rabiŭ uroki ŭ 5-m kłasie — za takim i ŭ 11-m robiš. Tym časam dzicia raście, a stoł — nie.
Stoł-padakońnik — ni ŭ jakim razie
«Dać piacihadovamu darosły stoł i kresła, a potym patrabavać pravilnaj pastavy — toje samaje, što adzieć jaho ŭ kaścium 50-ha pamieru i skazać: «Nu davaj, prabiažy stamietroŭku!» — kaža dyrektar sietki mahazinaŭ «Mebla, jakaja raście» Dzianis Viaršok. — Samaja pašyranaja pamyłka baćkoŭ — skanstrujavać dla dziciaci stacyjanarny stoł, ubudavany ŭ padakońnik.
Zdavałasia b, čym błaha: akno, šmat śviatła. Ale źviarnicie ŭvahu na vyšyniu. Taki stoł dobry dla dvuchmiatrovaha čałavieka, a nie dla pieršakłaśnika. I ŭźnikaje ŭžo prablema pošuku kresła, jakoje moža padstroicca pad hety stoł, a nie pad dzicia.
Da taho ž nohi małoha, što siadzić na takim kreśle, nie buduć dastavać da padłohi — heta drenna dla pastavy i vyklikaje vielmi chutkuju stamlalnaść».
Dastatkova papularnyja, asabliva ŭ nievialikich kvaterach, vuhłavyja stały. Ale i jany tojać niebiaśpieku dla dziciačaj pastavy, kaža Dzianis: «Za vuhłavym stałom dzicia pa-lubomu budzie imkniecca sieści paŭbokam, skryviŭšy śpinu».
Treciaja pamyłka — kresła z padłakotnikami. Pa-pieršaje, takoje kresła nie padsunieš jak śled da stała — padłakotniki pieraškodziać. U vyniku dzicia, zajmajučysia, pastajanna nachilajecca napierad.
Pa-druhoje, dzieci kładuć na padłakotniki łokci — plečy zadzirajucca ŭvierch».
Ad «Moll» da «Demi»
Takim čynam, vyšynia dziciačych stałoŭ i kresłaŭ pavinna stroha adpaviadać rostu i praporcyjam tych, chto imi karystajecca. Ale dzieci chutka rastuć, a mianiać meblu kožny hod daloka nie ŭsie mohuć sabie dazvolić. Zastajecca šukać meblu, jakuju možna rehulavać.
I tut «Mebla, jakaja raście» moža mnohaje prapanavać. Kampanija ŭžo vosiem hadoŭ na rynku, maje try handlovyja punkty ŭ Minsku, pradstaŭnikoŭ u rehijonach.
Tut možna znajści pradukcyju i niamieckaj firmy Moll, jakaja ličycca zakanadaŭcam mod i pieršym raspracoŭščykam rehulavanaj mebli, i tajvańskich vytvorcaŭ COMF-PRO i TCT Nanotec, i bolš tannyja rasiejskija marki «Demi», «Astek-Ełara», «Osanka».
«Naša kancepcyja — «Adzin raz kupić». My aryjentujemsia na dychtoŭnuju, nadziejnuju, z kłasičnym dyzajnam meblu, jakaja biez prablem budzie słužyć 10—15 hadoŭ, «padrastajučy» razam z uładalnikam, — kaža Dzianis. — Viadoma, z časam chočacca abnaŭleńniaŭ — praduhledžana i heta. Zrabiŭšy ramont u kvatery, uładalnik sam moža pamianiać kalarovyja ŭstaŭki našych stałoŭ i čachły na kresły. Źmiennyja elemienty jość u kamplekcie».
Tonkaści rehulavańnia
Jakim ža paramietram maje adpaviadać mebla dla dziciaci?
Stalnica abaviazkova pavinna rehulavacca pa vyšyni i kucie nachiłu i być nie vuziejšaj za 90 sm. A ŭ ideale — mieć usie 120 sm. Mahčyma, pieršakłaśniku taki stoł padasca kasmadromam, zatoje pobač z małym, naprykład, zmoža sieści darosły, dapamahajučy z urokami. Abo tavaryš pa hulniach. A zanadta vuzki stoł z časam pryjdziecca zamianić.
Kresła pavinna rehulavacca ŭ troch paramietrach: vyšynia siadzieńni, vyšynia śpinki (asobna ad vyšyni siadzieńnia) i abaviazkova hłybinia (pamier) siadzieńnia (na zanadta vialikim siadzieńni dzicia prosta nie dastaje da śpinki).
Pry pravilna adrehulavanaj hłybini siadzieńnia adlehłaść pamiž piarednim krajem siadzieńnia i halonkaj pryblizna 4 palcy.
Vyšynia śpinki maje być nie nižej uzroŭniu łapatak, kab zdymałasia napruha sa śpiny.
Taksama kresła pavinna mieć kołcy z tarmazami-błakavańniami. Apošnija dazvolać pamienšyć ruchomaść kresła: dzicia padsunie jaho da stała, kab zručna sieści, ale katacca na im pa kvatery nie zmoža. A dla zanadta ŭžo ruchomych dziaciej dobra b mieć i opcyju, jakaja dazvalaje zafiksavać pavarotnuju častku kresła.
«Kresła nie musić być lohkim, — padkreślivaje Dzianis. — Časam baćki nie razumiejuć: čamu kresły dla piacihadovych važać 15 kh? Ale tak biaśpiečniej: mały nie zmoža jaho pavalić ci sam na im pieraviarnucca».
90 hradusaŭ
Jak ža pravilna adrehulavać meblu pad rost?
Pačynajem z kresła. Pasadziŭšy na jaho dzicia, źviartajem uvahu na toje, kab nohi ćviorda stajali na padłozie.
Pravilnaja vyšynia siadzieńnia. Kraj siadzieńnia na uzroŭni padkalennaj upadziny. Vyšynia pravilnaja, kali vuhał pamiž ściahnom i korpusam trochi bolšy za 90 hradusaŭ.
Jany pry hetym pavinny być sahnutyja ŭ kaleniach pad vuhłom 90—92 hradusy, śpina rasprostanaja i abapirajecca na śpinku kresła, plečy razhornutyja, rassłablenyja. Vyšyniu stalnicy stavim takuju, kab pieradpleččy na joj raźmiaščalisia paralelna ciełu, a vuhał sahnutych u łokciach ruk byŭ prykładna 120—130 hradusaŭ.
Vielmi važny paramietr, padkreślivaje Dzianis, — nachił stalnicy. Jon dazvalaje pamienšyć adlehłaść ad vačej da sšytka.
Vybar aptymalnaj adlehłaści pamiž stalnicaj, rukoj i vačyma. Heta dazvolić paźbiehnuć zachvorvańniaŭ śpiny i šyi.
Bolšaść stałoŭ, jakija prapanuje sietka kramaŭ «Mebla, jakaja raście», majuć mahčymaść rehulavańnia nachiłu stalnicy da 30 hradusaŭ. Ale jość i varyjanty, jakija dazvalajuć zrabić nachił u 50—60 hradusaŭ — dla budučych mastakoŭ.
Varta źviarnuć uvahu i na rehulavańnie vyšyni stała. Jość madeli, jakija dazvalajuć imhnienna rehulavać vyšyniu naciskańniem adnoj knopki. Dyjapazon rehulavańnia ŭ takich stałoŭ dazvalaje pracavać za imi stojačy, a heta asabliva karysna dla małodšych školnikaŭ, u jakich jašče niama ŭsiedlivaści. Takim ža stałam addajuć pieravahu i darosłyja: architektary, dyzajniery, inžyniery.
Jašče adno važnaje pytańnie — biaśpieka. Tamu va ŭsich stałach, z rehulavanym nachiłam praduhledžany zazor pamiž stalnicaj i apornaj častkaj, kab dzicia vypadkova nie prycisnuła ci nie ŭdaryła palec. Usie pavarotnyja i padjomnyja miechanizmy zakrytyja, što taksama vyklučaje mahčymaść traŭmy. Vostryja kuty zakruhlenyja.
Praŭda i mify pra farmaldehidy
Časta ŭźnikajuć pytańni, ci nie škodna mieć doma meblu z MDF (draŭnianavałaknistych plit siaredniaj ščylnaści (anhł. Medium Density Fibreboard, MDF)) ci DSP (draŭnianastružkavych plit). U klei, jaki vykarystoŭvajecca pry ich vyrabie, prysutničajuć farmaldehidy, taksičnyja rečyvy, jakija padčas nahravańnia traplajuć u pavietra.
«Ekałahičnaja biaśpieka dziciačaj mebli, jakaja ŭvozicca ŭ Biełaruś, vielmi žorstka kantralujecca, — kaža Dzianis. - Miarkujcie sami: za jaje jakaść adkazvaje navat nie imparcior, a orhan, jaki vydaje jamu siertyfikat adpaviednaści. I niamieckaja mebla ad Moll, i Comf-pro (Tajvań), jakija my pastaŭlajem, maje ŭzrovień emisii farmaldehidaŭ Je0. Heta ŭdvaja mienš za minimalny dapuščalny našymi normami ŭzrovień Je1.
Jość i mierkavańnie, što mebla z dreva ekałahičniejšaja i biaśpiečniejšaja. Mahčyma heta i tak, kali havorka idzie pra rečy, jakija rabili našy prodki pa tradycyjnych technałohijach. Ale sučasnaja draŭlanaja mebla robicca z klejenaha meblevaha ščyta. A ŭ klei taksama prysutničajuć chimičnyja elemienty.
Da taho ž pryrodnyja materyjały — u pryvatnaści, draŭnina siamiejstva bukavych (buk, dub, hrab) — sami vydzialajuć pryrodnyja farmaldehidy i smoły. Kali nahreć naturalny buk, dumaju, jon pakaža paramietry horšyja, čym vysakajakasny MDF».
Cana pytańnia
Kamplekt z stała i kresła, jakija vytrymlivajuć minimalnyja patrabavańni jakaści, apisanyja vyšej, abydziecca ŭ «Mebli, jakaja raście» ŭ 700 rubloŭ (350—380 rub. — kresła i 300—350 rub. — parta rasijskaj vytvorčaści).
Jakasny kamplekt sa stała i kresła, jaki biez prablem prasłužyć 15 hadoŭ, kaštuje 1300 rubloŭ.
Stoł, za jakim možna pracavać stojačy, — ad 700 rub.
Stoł vialikich pamieraŭ, ź pienałami, paličkami dla ekanomii miesca — ad 1000 rub.
Stoł na dvaich dziaciej — ad 2000 rub. Rehulavańnie ŭniviersalnaje: za im moža pracavać jak darosły rostam 180 sm stojačy, tak i dzicia, ležačy na padłozie.
Roźnica ŭ canie abumoŭlena roźnicaj u sposabach i miechanizmach rehulavańnia.
Ubačyć meblu, jakaja raście, u reale možna ŭ firmovych kramach u Minsku: HC «Civali» (Prytyckaha, 29), vuł. Mścisłaŭca, 20, vuł. Płatonava, 10. «Možna zamović i ŭ internecie, ale lepš pryjści ź dziciem, — raić Dzianis Viaršok — ubačyć usio na svaje vočy i atrymać u nas padrabiaznuju kansultacyju».
TAA «Promsnabinstrumient». UNP 190682615
