Nasupierak tradycyi, pavodle jakoj karaleŭskija viasielli hulali ŭ budni dzień, prync Hary i Miehan Markł aženiacca ŭ subotu — 19 maja 2018 hoda, adznačaje Bi-bi-si.
U listapadzie zakachanyja niečakana abviaścili pra zaručyny, tady ž stała viadoma, što viasielle adbudziecca ŭ kaplicy Sv. Hieorhija ŭ Vindzorskim zamku.
Pierad šlubam 36-hadovuju niaviestu achreściać u anhlikansku vieru, jana adrazu ž projdzie i kanfirmacyju.
Pra raman Markł z pryncam, jaki zajmaje piataje miesca ŭ čarhovaści atrymańnia ŭ spadčynu brytanskaha tronu, stała viadoma ŭ kancy kastryčnika 2016 hoda.
Pachodžańnie aktrysy (maci — čarnaskuraja, baćka — bieły) raskrytykavali ŭ internecie i bulvarnaj presie. U adkaz Kiensinhtonski pałac zajaviŭ, što ŚMI «pierastupili rysu».
Miehan Markł naradziłasia 4 žniŭnia 1981 hoda i vyrasła ŭ Łos-Andželesie, adnak ciapier žyvie ŭ Taronta.
Jana skončyła katalickuju škołu dla dziaŭčynak, a zatym, u 2003 hodzie, Škołu kamunikacyi Paŭnočna-Zachodniaha ŭniviersiteta ŭ Ilinojsie. Tady ž pačałasia jaje akciorskaja karjera.
Baćka Miehan pracavaŭ dyrektaram pa śviatle na telebačańni, i sama jana ŭpieršyniu źjaviłasia na ekranie ŭ 2002 hodzie ŭ epizodzie miedycynskaha sieryjała «Hałoŭny špital», paśla čaho zdymałasia ŭ sieryjałach «Miesca złačynstva», «Bieź śledu» i «Kasł».
Zatym byli roli ŭ bujnych halivudskich filmach, takich jak «Ucioki z Vehasa», «Pomni mianie» i «Niaznosnyja bosy».
U vieraśni 2011 hoda Miehan vyjšła zamuž za kinarežysiora Trevara Enhielsana, ź jakim jany sustrakalisia 7 hadoŭ. Adnak praz dva hady zdaryŭsia razvod.
-
Žonka premjera Armienii Nikoła Pašyniana paviedamiła, što ich hramadzianski šlub zavieršany
-
Što kaštoŭniejšaje dla ludziej, seks ci blizkaść? Daśledčyki pierakonvajuć, što blizkaść pieramahaje, bo jaje nielha kupić
-
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary