Насуперак традыцыі, паводле якой каралеўскія вяселлі гулялі ў будні дзень, прынц Гары і Меган Маркл ажэняцца ў суботу — 19 мая 2018 года, адзначае Бі-бі-сі.
У лістападзе закаханыя нечакана абвясцілі пра заручыны, тады ж стала вядома, што вяселле адбудзецца ў капліцы Св. Георгія ў Віндзорскім замку.
Перад шлюбам 36-гадовую нявесту ахрэсцяць у англіканску веру, яна адразу ж пройдзе і канфірмацыю.
Пра раман Маркл з прынцам, які займае пятае месца ў чарговасці атрымання ў спадчыну брытанскага трону, стала вядома ў канцы кастрычніка 2016 года.
Паходжанне актрысы (маці — чарнаскурая, бацька — белы) раскрытыкавалі ў інтэрнэце і бульварнай прэсе. У адказ Кенсінгтонскі палац заявіў, што СМІ «пераступілі рысу».
Меган Маркл нарадзілася 4 жніўня 1981 года і вырасла ў Лос-Анджэлесе, аднак цяпер жыве ў Таронта.
Яна скончыла каталіцкую школу для дзяўчынак, а затым, у 2003 годзе, Школу камунікацыі Паўночна-Заходняга ўніверсітэта ў Ілінойсе. Тады ж пачалася яе акцёрская кар'ера.
Бацька Меган працаваў дырэктарам па святле на тэлебачанні, і сама яна ўпершыню з'явілася на экране ў 2002 годзе ў эпізодзе медыцынскага серыяла «Галоўны шпіталь», пасля чаго здымалася ў серыялах «Месца злачынства», «Без следу» і «Касл».
Затым былі ролі ў буйных галівудскіх фільмах, такіх як «Уцёкі з Вэгаса», «Помні мяне» і «Нязносныя босы».
У верасні 2011 года Меган выйшла замуж за кінарэжысёра Трэвара Энгельсана, з якім яны сустракаліся 7 гадоў. Аднак праз два гады здарыўся развод.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары