25 lutaha ŭ efiry niezaležnaha telekanała «Biełsat» vyjdzie pieršy vypusk pieradačy «Ja nie budu heta jeści». Kancepcyja pieradačy ŭ tym, što hość raskazvaje pra stravu, jakuju nie moh jeści ź dziacinstva. A šef-kuchary, jakija zmahajucca pamiž saboj, pavinny pryhatavać hetuju stravu tak, kab hieroj nie prosta ŭsio źjeŭ, ale i paprasiŭ jašče źvierchu.
Viadoma, što ŭ pieršaj pieradačy pamiž saboj pazmahajucca šef-kuchar paba «Malt & Hops» Volha Pryharava i kiraŭnik hildyi kucharaŭ Alaksandr Čykileŭski.
Źviartaje ŭvahu, što novaje šou budzie vychodzić pa-rasiejsku. Čamu? Pra heta my spytalisia ŭ pradstaŭnika telekanała «Biełsat» u Biełarusi Alaksieja Minčonka.
«My ŭvieś čas sprabujem znajści novyja krynicy finansavańnia, i prahrama «Ja nie budu eto jesť» — vynik plonnaha pošuku. Ale ŭmovaj hrantadaŭcy była mahčymaść adaptavańnia prahramy da inšych rynkaŭ, hałoŭnym čynam havorka viadziecca pra Litvu, Łatviju i Ukrainu, dzie razumiejuć rasiejskuju movu. Tamu ŭ prahramie rasiejskamoŭnyja viadučyja. Ale kožnaje vydańnie paśla premjery atrymaje biełaruskuju viersiju (hołas dyktara, nadpisy), jakoje taksama budzie pakazana ŭ našym efiry.
Haściami prahramy buduć viadomyja ŭ Biełarusi, ale patencyjna cikavyja zamiežnikam ludzi. Užo hatovyja try piłotnyja vypuski, pabačyć ich u efiry «Biełsatu» možna ŭ niadzieli 25 lutaha, 4 i 11 sakavika», — kaža Alaksiej Minčonak.
Raniej na «Biełsacie» pa-rasiejsku vychodziła infarmacyjnaja pieradača «Vot tak».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary