U Niamieččynie na ŭzbočynie aŭtabanu biespracoŭny znajšoŭ pakunak, u jakim było 16 tysiač eŭra i juvelirnyja vyraby, i praz katory čas pieradaŭ ich u palicyju.
U Niamieččynie na ŭzbočynie aŭtabanu biespracoŭny znajšoŭ pakunak, u jakim było 16 tysiač eŭra i juvelirnyja vyraby, i praz katory čas pieradaŭ ich u palicyju.
Tomas Lidtek, moža, pazbaŭleny pracy, ale na hetym tydni jon davioŭ, što nie pazbaŭleny sumleńnia: padčas rovarnaj prahułki znajšoŭšy pakunak, u jakim lažała 16 tysiač eŭra, paśla nievialikich vahańniaŭ pieradaŭ hrošy ŭ palicyju. 56-hadovy Tomas, žychar horadu Armštadt (Uschodniaja Niamieččyna), zrabiŭ hety ŭčynak, niahledziačy na toje, što pry dapamozie znojdzienych hrošaj moh by mocna padtrymać svajho syna–invalida, a taksama spłacić šmatlikija pazyki pa kamunalnych pasłuhach.
“Hety pakunak abrynuŭsia na mianie jak rajski dar”, - raspaviadaje Tomas, jaki žyvie tolki z sacyjalnaj dapamohi ŭ pamiery 600 eŭra ( niedzie 1 miljon 700 tysiač biełrubloŭ). “Pajści ŭ palicyju było dla mianie vielmi ciažkim rašeńniem, ja doŭha vahaŭsia, ale apošniaje słova było ŭsio ž za maim sumleńniem”, - dadaŭ jon.
Akramia hrošaj, uładalnik jakich palicyi pakul što nieviadomy, u pakunku byli taksama piarścionak, zavušnicy, łancužok i kulon – usie zroblenyja z zołatu.
Kamientary