Nienarmalna, kali dajuć šeść z pałovaj hadoŭ pazbaŭleńnia voli «doktaru, veterynaru, vykładčyku za 30, 40, 50 dołaraŭ u vyhladzie chabaru», miarkuje jon.
Hienieralny prakuror Biełarusi Ryhor Vasilevič pierakanany, što ŭ krainie «nie spracoŭvaje» pryncyp indyvidualizacyi adkaznaści. Ab hetym jon zajaviŭ, vystupajučy 2 kastryčnika pierad členami savieta respubliki.
«Samaje paradaksalnaje, što inšym razam prakuratura znachodzicca ŭ pazicyi taho subjekta, jaki patrabuje, prapanuje pryznačyć pakarańnie bolš miakkaje, čym heta adbyvajecca, — zaznačyŭ hienprakuror. — U 2007 hodzie z 70 tys. asudžanych tolki 26 asobam było pryznačana pakarańnie ŭ vyhladzie pazbaŭleńnia voli nižej za nižejšuju miažu. Krychu bolš čym 300 pryznačana bolš miakkaje pakarańnie».
Pavodle słoŭ R. Vasileviča, prymianiać bolš miakkaje pakarańnie dazvalaje artykuł 70 KK. Jon, jak ličyć hienprakuror, traktavaŭsia nie zusim dakładna i pravilna. U toj ža čas hienprakuror upeŭnieny, što hety artykuł «daje bolš mahčymaści sudu dla vykanańnia pryncypu indyvidualizacyi pakarańnia».
Zakranajučy hety pryncyp prymianialna da śfiery karupcyjnych złačynstvaŭ, H. Vasilevič vykazaŭ sumnieńnie ŭ metazhodnaści pryznačeńnia pakarańnia ŭ vyhladzie šaści z pałovaj hadoŭ pazbaŭleńnia voli «ŭraču, vieterynaru, vykładčyku za 30, 40, 50 dołaraŭ u vyhladzie chabaru». «Ja za toje, kab słužbovyja asoby, jakija zajmajuć adkaznyja stanoviščy, pradstaŭniki ŭłady ŭ siłu tych nastupstvaŭ, što mohuć uźniknuć z‑za niezakonnych pavodzinaŭ i vyrašeńnia šerahu pytańniaŭ na «kamiercyjnaj» asnovie, trymali bolš surovuju adkaznaść, — zajaviŭ hienprakuror. — Adkaznaść pavinna być suraźmiernaj. 26 tys. dołaraŭ — vosiem‑dziesiać hadoŭ i, ujavicie sabie, 30—50 dołaraŭ — šeść z pałovaj. Terminy nie supastaŭnyja pa ciažkaści i pa adkaznaści».
«Treba źmiaščać akcenty, — upeŭnieny R. Vasilevič. — Pieradusim, uzmacniać adkaznaść asobaŭ, jakija zajmajuć vysokaje słužbovaje stanovišča, pradstaŭnikoŭ ułady. I, kaniečnie, jość śfiery, u jakich hetyja dziejańni (karupcyja. — BiełaPAN.) vyklikajuć ciažkija nastupstvy dla ekanomiki. U tym liku pryvatyzacyja, dziaržaŭnyja zakupki, kredytnaja śfiera, pradastaŭleńnie ziamielnych učastkaŭ i šerah inšych. Ale adyhryvacca pa drabiazie, kaniečnie, nielha. Budavać baraćbu z karupcyjaj na niaznačnych faktach nielha. Ale na sistemu ŭździejničać nieabchodna».
Kamientary