Incydent adbyŭsia kala 12:00 na słuckaj trasie pablizu vioski Hacuk, paviedamlaje pres-słužba abłasnoj milicyi.
U milicyju patelefanavała pasažyrka maršrutki Minsk — Salihorsk i paviedamiła, što niejki mužčyna, vidać, pjany, raptam uźniaŭsia sa svajho miesca, pajšoŭ pa sałonie da kiroŭcy i navis nad im z nažom u ruce.
Nasustrač maršrutcy byŭ nakiravany ekipaž DAI. Praz 10 chvilin inśpiektary spynili maršrutku, a pasažyra zatrymali.
Sam mužčyna spačatku patłumačyć svaje dziejańni nie zdoleŭ. Pa słovach kiroŭcy, pasažyr padyšoŭ da jaho z nažom u ruce i sprabavaŭ niešta skazać. Adnak, akramia marmytańnia, kiroŭca ad mužčyny tak ničoha i nie pačuŭ. Tym nie mienš uvieś hety čas, pakul nie padjechała mašyna DAI, toj prosta stajaŭ la vadziciela za śpinaj, pastajanna namahajučysia pra niešta skazać. Što praŭda, aktyŭnych dziejańniaŭ nie pradprymaŭ.
Jak vyśvietliłasia, 53-hadovy mužčyna sieŭ u maršrutku ŭžo pjanym, u darohu ŭziaŭ jašče plašku. Naturalna, pa darozie piŭ. U niejki momant ubačyŭ u vuchu kiroŭcy telefonnuju harnituru i pačuŭ, što kiroŭca z kimści razmaŭlaje.
Mužčynu padałosia, što šafior sa svaim zmoŭščykam abmiarkoŭvaje płan rabavańnia pasažyraŭ. Pasažyry ŭ hety momant abo spali, abo nie dumali pra błahoje. Kab praduchilić «złačynstva» i vyratavać usich, mužčyna dastaŭ i raskryŭ svoj nož, padyšoŭ ź im da kiroŭcy i pasprabavaŭ skazać jamu, kab toj nidzie nie spyniaŭsia i jechaŭ naŭprost u milicyju.
Milicyju jon dačakaŭsia.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj1
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary