Centralny kamitet Kamunistyčnaj partyi Kitaja (CK KPK) prapanavaŭ prybrać z kanstytucyi krainy pałažeńnie ab tym, što staršynia i vice-staršynia KNR mohuć «zajmać pasadu nie bolš za dva terminy zapar». Pra heta paviedamiła ŭ niadzielu ahienctva «Sińchua».
Prapanavanyja papraŭki Kanstytucyi mohuć być razhledžanyja padčas pieršaj siesii Usiekitajskaha schodu narodnych pradstaŭnikoŭ (USNP, vyšejšy zakanadaŭčy orhan) 13-ha sklikańnia. Pavodle apublikavanych płanaŭ, jana pačniecca 5 sakavika.
Adnym z najvažniejšych punktaŭ paradku dnia stanie pieraabrańnie ciapierašniaha staršyni KNR Si Czińpina na novy piacihadovy termin. Pa pradstaŭleńni kiraŭnika dziaržavy na anałahičny termin pavinna być zaćvierdžana kandydatura na pasadu premjera Dziaržsavieta KNR, jakim, vierahodna, znoŭ stanie Li Kecian.
Pavodle dziejučych na praciahu apošnich dziesiacihodździaŭ palityčnych tradycyj, kožnaje pakaleńnie kiraŭnikoŭ pavinna znachodzicca va ŭładzie nie bolš za 10 hadoŭ. Zhodna ź imi, sioletniaje «piataje pakaleńnie» kiraŭnikoŭ na čale sa staršynioj KNR Si Czińpinam musiła zavieršyć praceduru pieradačy ŭłady pierajemnikam u 2023 hodzie.
Akramia taho, pavodle ahienctva «Sińchua», CK KPK prapanavaŭ unieści tearetyčnyja pałažeńni Si Czińpina ab novaj eposie raźvićcia sacyjalizmu z kitajskaj śpiecyfikaj ŭ Kanstytucyju krainy.
Na XIX źjeździe KPK, jaki adbyŭsia ŭ kastryčniku 2017 hoda, idei Si Czińpina byli ŭniesienyja ŭ jaje statut. Imia ciapierašniaha staršyni KNR unieśli ŭ pieralik ideałahičnych asnoŭ dziejnaści partyi razam z Mao Czedunam i Den Siaopinam.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary