Na kandydatku ŭ prezidenty Rasii Ksieniju Sabčak ździejśnieny napad. Mužčyna z krykam «Za Žyrynoŭskaha!» abliŭ jaje niejkaj vadkaściu i šturchnuŭ tak, što jana ŭpała.
Napadnik trapiŭ na fota:
Napadnika zvać Ałan Dzucaŭ (heta kaŭkazskaje, asiacinskaje imia). Jon pamočnik adnaho z deputataŭ ad «Adzinaj Rasii».
Pra heta Sabčak paviedamiła ŭ siabie ŭ tvitary.
Nahadajem, što 28 lutaha na teledebatach sparynh-partnior Uładzimira Pucina Uładzimir Žyrynoŭski nazyvaŭ Sabčak usialakimi słovami, u tym liku i «b…». U adkaz jana abliła jaho vadoj sa šklanki.
Vybary ŭ Rasii adbuducca 18 sakavika. Lidara apazicyi, antykarupcyjnaha błohiera Alaksieja Navalnaha na ich nie dapuścili. Bačnaść kankurencyi na vybarach stvarajuć kandydaty ad psieŭdaapazicyjnych Kamunistyčnaj i Libieralna-demakratyčnaj partyj, a taksama televiadoŭca Sabčak.
Ksienija Sabčak — dačka kolišniaha palityčnaha mientara Pucina, mera Sankt-Pieciarburha Anatolija Sabčaka.