Raźvićcio ŭ Biełarusi šmatpartyjnaj sistemy pierš nieabchodna zamacavać kanstytucyjna. Takoje mierkavańnie Łukašenka vykazaŭ siońnia na sustrečy z sudździami Kanstytucyjnaha suda, paviedamlaje BiełTA.
Havoračy ab mahčymaści ŭ budučyni abmierkavańnia tych ci inšych źmianieńniaŭ u Kanstytucyju, kiraŭnik dziaržavy pryvioŭ u jakaści prykładu debaty pa pytańni stvareńnia ŭ krainie paŭnavartasnaj šmatpartyjnaj sistemy. U pryvatnaści, ahučvajucca prapanovy stvaryć bujnuju partyju na bazie «Biełaj Rusi».
«Ja kateharyčna suprać, kab heta była praŭładnaja partyja, kab tam usie načalniki siadzieli, — zaŭvažyŭ biełaruski lidar. — Idzie hetaja razmova. Chtości kaža — čas, treba niešta źniać z ułady, pieradać u partyi, treba kadravyja pytańni vyrašać i inšaje. Usio heta pravilna. Chtości kaža, što nie čas».
«Ja liču, što nie z hetaha treba pačynać. Treba napieradzie pastavić «kania». Treba Kanstytucyjaj zamacavać, kali my da hetaha hatovyja. Kali my hatovyja siońnia da hetych bieśpierapynnych debataŭ. Kali my hatovyja stvaryć sapraŭdnuju šmatpartyjnuju sistemu, — zajaviŭ Alaksandr Łukašenka. — Nam treba pačynać z Kanstytucyi i tam prapisvać žorstka hetuju šmatpartyjnuju sistemu, jakaja rola partyj. Bo my ŭ hramadstvie spravakujem hetuju bojku. Tamu treba vielmi akuratna».
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary