Развіццё ў Беларусі шматпартыйнай сістэмы перш неабходна замацаваць канстытуцыйна. Такое меркаванне Лукашэнка выказаў сёння на сустрэчы з суддзямі Канстытуцыйнага суда, паведамляе БелТА.
Гаворачы аб магчымасці ў будучыні абмеркавання тых ці іншых змяненняў у Канстытуцыю, кіраўнік дзяржавы прывёў у якасці прыкладу дэбаты па пытанні стварэння ў краіне паўнавартаснай шматпартыйнай сістэмы. У прыватнасці, агучваюцца прапановы стварыць буйную партыю на базе «Белай Русі».
«Я катэгарычна супраць, каб гэта была праўладная партыя, каб там усе начальнікі сядзелі, — заўважыў беларускі лідар. — Ідзе гэтая размова. Хтосьці кажа — час, трэба нешта зняць з улады, перадаць у партыі, трэба кадравыя пытанні вырашаць і іншае. Усё гэта правільна. Хтосьці кажа, што не час».
«Я лічу, што не з гэтага трэба пачынаць. Трэба наперадзе паставіць «каня». Трэба Канстытуцыяй замацаваць, калі мы да гэтага гатовыя. Калі мы гатовыя сёння да гэтых бесперапынных дэбатаў. Калі мы гатовыя стварыць сапраўдную шматпартыйную сістэму, — заявіў Аляксандр Лукашэнка. — Нам трэба пачынаць з Канстытуцыі і там прапісваць жорстка гэтую шматпартыйную сістэму, якая роля партый. Бо мы ў грамадстве справакуем гэтую бойку. Таму трэба вельмі акуратна».
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары