U horadzie namahajucca zachavać spakoj paśla ŭčorašnich masavych sutyčak pamiž habrejami i arabami.
U izrailskim Aka namahajucca zachavać spakoj paśla ŭčorašnich masavych sutyčak pamiž habrejami i arabami. Načalnik izrailskaj palicyi Dudzi Koen paviedamiŭ, što ŭ horadzie da poŭnaha ŭstalavańnia paradku budzie prysutničać blizu 700 palicejskich.
Nieparadki pačalisia zaŭčora viečaram, kali kiroŭca-arab zajechaŭ na mašynie na vulicu, dzie žyvie habrejskaja bolšaść. Hetym jon parušyŭ śviataść habrejskaha Sudnaha dnia (Jom Kipura). U hety dzień akramia strohaha pasta, zabaraniajecca taksama pryvodzić u ruch mechanizmy. U mašynu palacieli kamiani. Pa nievialikim časie čutki, što kiroŭca byŭ zabity, - jakija, darečy, nia spraŭdziłasia - vyvieła na vulicy arabskich maładzionaŭ. Pačalisia masavyja sutyčki. Lohka ranienyja 3 čałavieki - u tym liku adzin palicejski. Paškodžanyja blizu sotni aŭto i raźbita niekalki dziasiatkaŭ vitrynaŭ u kramach.
Izrailskaja palicyja ŭzmacniaje svaju prysutnaść u inšych haradach, miescach kampaktnaha pražyvańnia habrejaŭ i arabaŭ - Chajfie, Jafa, a taksama ŭ Jerusalimie vakoł Chramavaj hary, dzie znachodziacca habrejskija i musulmanskija śviatyni.
Škoły Aka adčynienyja jak zvyčajna, ale na zaniatki pryjšło mienš za pałovu vučniaŭ. U dadatak, palicyja raić admianić sioleta teatralny festyval, jaki ładzicca ŭ Aka štohod.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary