Lubaja niesankcyjanavanaja akcyja budzie spyniena chutka i efiektyŭna. Pra heta ŭ prahramie «Razmova ŭ prezidenta» na telekanale «Biełaruś 1» zajaviŭ ministr unutranych spraŭ Biełarusi Ihar Šunievič, piša Radyjo Svaboda.
27 sakavika hetaja tema ŭzdymałasia padčas dakłada kiraŭnika MUS Łukašenku, jaki zahadaŭ «imhnienna spyniać lubyja niesankcyjanavanyja mierapryjemstvy, jakija pieraškadžajuć žyć ludziam».
Kiraŭnik dziaržavy adznačyŭ, što niekatoryja hramadzianie vyrašyli adśviatkavać 100-hodździe z dnia ŭtvareńnia BNR praviadzieńniem niesankcyjanavanych mierapryjemstvaŭ, niahledziačy na toje, što jany byli zabaronienyja. «Što chočam, toje i robim. Usie pavinny razumieć, što bardak pačynajecca z hetaha», — padkreśliŭ Łukašenka. — Tamu vy nie hladzicie pa bakach. Nie treba hladzieć, jakuju zajavu zrobić Jeŭrasajuz abo Dziarždepartamient, heta ich sprava rabić zajavy. Ale nie daj boh nam sparadzić toje stanovišča, u jakim siońnia žyvuć zachodnija dziaržavy
Šunievič skazaŭ, što zahad Łukašenki budzie vykanany.
«Nivodnaja akcyja, niesankcyjanavanaja ŭładami, nie adbudziecca, — skazaŭ jon. — A kali navat pačniecca, to budzie spyniena vielmi chutka, efiektyŭna, na padstavie dziejnaha zakanadaŭstva».
«Siońnia Ministerstva ŭnutranych spraŭ — heta adzin z samych surjoznych instrumientaŭ u rukach ułady pa naviadzieńni paradku ŭ krainie, — padkreśliŭ Šunievič. — I my budziem macnieć u dalejšym, jak i naša dziaržava. Biezumoŭna, siońnia my ŭjaŭlajem realnuju pahrozu dla tych, chto stvaraje ryzyki, vykliki ŭ našaj krainie».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary