U Novaj Kaledonii projdzie refierendum ab niezaležnaści ad Francyi
4 listapada ŭ Novaj Kaledonii projdzie refierendum ab niezaležnaści hetaj cichaakijanskaj terytoryi ad Francyi.
«Vy chočacie, kab Novaja Kaledonija atrymała dostup da poŭnaha suvierenitetu i stała niezaležnaj?» — takoje pytańnie budzie vyniesiena na hałasavańnie. U błanku adkazu na jaho možna budzie abrać «tak» ci «nie».
Praviadzieńnie refierendumu praduhledžvałasia padpisanym ŭ 1998 hodzie pahadnieńniem ab pastupovaj dekałanizacyi archipiełaha. Novaja Kaledonija na siońnia maje status zamorskaj terytoryi Francyi.
Pieršy refierendum ab niezaležnaści byŭ praviedzieny ŭ Novaj Kaledonii ŭ 1998 hodzie. Tady bolšaść žycharoŭ prahałasavała suprać vychadu sa składu Francyi.
Nasielnictva Novaj Kaledonii — heta prykładna 280 tysiač čałaviek. Ź ich 39% naležać da karennaj narodnaści, jakaja nazyvajecca «kanaki», a 28% adnosiać siabie da «jeŭrapiejcaŭ». Akramia ich, žyvuć vychadcy z roznych krain cichaakijanskaha basiejna. Na miascovych movach na siońnia ŭmiejuć havaryć prykładna 25% žycharoŭ. U miascovym parłamiencie na siońnia za niezaležnaść vystupajuć 25 z 54 deputataŭ.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary