Uzharańnie ŭ kiemieraŭskim handlovym centry «Zimovaja višnia» pačałosia ŭ prastory pamiž trecim i čaćviortym pavierchami ŭ rajonie batutnaha centra. Heta pakazali papiarednija vyniki pažarna-techničnaj ekśpiertyzy, piša RBK sa spasyłkaj na dźvie krynicy ŭ MNS.
Adna ź ich, krynica va ŭpraŭleńni MNS pa Kiemieraŭskaj vobłaści, paviedamiła vydańniu, što ŭ mierkavanym miescy ŭzharańnia prachodziŭ siłavy kabiel.
Pa dadzienych adnaho z surazmoŭcaŭ RBK, ahoń raspaŭsiudžvaŭsia ŭ tym liku pa ŭnutryściennaj prastory. «Intensiŭnaści hareńnia spryjali ŭnutranyja vichravyja patoki», — adznačyŭ jon.
Na ekśpiertyzy adpraŭlenyja kala 100 pradmietaŭ z HC, jakija majuć značeńnie pa spravie ab pažary. Siarod ich reštki parałonavych šarykaŭ ź dziciačaha basiejna, elemienty ŭciaplalnika, frahmienty ŭnutranaha azdableńnia, paviedamiła krynica ŭ rehijanalnym upraŭleńni MNS. Jana adznačyła, što hetyja materyjały mohuć nie adpaviadać zaćvierdžanym u Rasii dziaržaŭnym standartam.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary