Polšča prapanavała ZŠA ŭkłaści $2 miljardy ŭ pabudovu vajskovaj bazy na svajoj terytoryi

Varšava vystupiła ź inicyjatyvaj ab raźmiaščeńni na terytoryi Polščy pastajannaj vajskovaj bazy ZŠA, dziela hetaha polskija ŭłady hatovyja inviestavać u ahulny prajekt $ 1,5—$ 2 młrd. Pra heta paviedamlaje polski partał Onet sa spasyłkaj na dakumient polskaha Minabarony.

U polskim vajennym viedamstvie sapraŭdnaść dakumienta paćvierdzili. U pres-słužbie viedamstva dadali, što dakumient z nazvaj «Prapanova ab pastajannaj prysutnaści ZŠA ŭ Polščy» byŭ raspracavany «ŭ ramkach mierapryjemstvaŭ, nakiravanych na pahłybleńnie abaronnaha supracoŭnictva z ZŠA, uklučajučy pavieličeńnie prysutnaści amierykanskich vojskaŭ u Polščy» u 2018 hodzie. Jon byŭ nakiravany ŭ Kanhres ZŠA, šerah uradavych struktur i analityčnych centraŭ, u tym liku pradstaŭnikam Atłantyčnaj rady (Atlantic council). Pradstaŭnik Atłantyčnaj rady atrymańnie dakumienta paćvierdziŭ.

U dakumiencie adznačajecca, što pastajannaja prysutnaść u Polščy dyvizii vojskaŭ ZŠA źjaŭlajecca «nieabchodnych dla strymlivańnia ŭzmacniełaj i niebiaśpiečnaj pazicyi Rasii, što pahražaje Jeŭropie». U Varšavie padkreślivajuć, što stvareńnie pastajannaj vajskovaj bazy ZŠA ŭ Polščy adpaviadaje intaresam nie tolki polskaha boku, ale i adpaviadaje Nacyjanalnaj abaronnaj daktrynie ZŠA, jakaja «vyznačaje ahresiju Rasii jak hałoŭnuju pahrozu Złučanym Štatam i hłabalnaj stabilnaści».

Adstojvajučy nieabchodnaść stvareńnia vajskovaj bazy ŭ Polščy, aŭtary dakumienta ŭkazvajuć na ŭsiebakovuju adpaviednaść krainy standartam NATO. U liku inšaha ŭ dakumiencie adznačajecca, što Polšča — adna ź niamnohich krain, jakija vydzialajuć na abaronnyja patreby ŭ adpaviednaści z normami NATA 2% VUP. «Z dapamohaj pastajannaj prysutnaści [amierykanskich vojskaŭ] ZŠA i Polšča mohuć stvaryć bolš mocny, ustojlivy aljans», — padkreślivajecca ŭ paviedamleńni.

U suviazi z hetym polski bok prapanuje inviestavać ad $ 1,5 młrd da $ 2 młrd u prajekt raźmiaščeńnia ŭ krainie braniatankavaj dyvizii ZŠA. Hetaja suma pavinna pakryć značnuju častku srodkaŭ na stvareńnie adpaviednaj infrastruktury i padtrymańnie bojehatoŭnaści złučeńniaŭ. Akramia taho, u karystańnie amierykanskim vajskoŭcam moža być pieradadziena častka infrastruktury, užo jakaja znachodzicca ŭ rasparadžeńni Ministerstva abarony Polščy.

U dadatku da dakumienta raźmieščany karty Polščy z ukazańniem mahčymych miescaŭ raźmiaščeńnia bazy, transpartnych vuzłoŭ i ŭžo isnujučych vajennych abjektaŭ.

• 0
• 0
• 0
• 0
• 0
• 0