Staršynia KDB «nie vyklučyŭ», što Biełaruś i Ukraina abmianiajucca abvinavačanymi ŭ špijanažy
U interviju rasiejskamu TASS staršynia Kamitetu dziaržaŭnaj biaśpieki Biełarusi Valer Vakulčyk zajaviŭ, što «nie vyklučaje» ŭ budučyni abmien pamiž Mienskam i Kijevam hramadzianami, abvinavačanymi ŭ špijanažy, piša Radyjo Svaboda.
«U svoj čas my abmianiali kadravaha vyviednika, jakoha my zatrymali niekalki hadoŭ tamu, na našych hramadzianaŭ, jakija byli zatrymanyja ŭ inšaj dziaržavie», — dadaŭ Valer Vakulčyk adnosna mahčymaści abmienu z Ukrainaj abvinavačanymi ŭ špijanažy.
Pry hetym jon zaklikaŭ «nia źviazvać» aryšt ukrainskaha žurnalista Paŭła Šarojki, asudžanaha na 8 hod turmy za špijanaž, z zatrymańniem i aryštam va Ŭkrainie ŭ červieni 2017 hodu biełarusa Juryja Palityki, abvinavačanaha ŭ špijanažy (sud nad im jašče maje adbycca). Ukrainskija eksperty raniej vykazvali mierkavańnie, što Šarojku zatrymali «ŭ adkaz» na zatrymańnie Palityki.
Pradstaŭnik Ministerstva zamiežnych spravaŭ Ukrainy Uładzimir Škuroŭ kazaŭ Svabodzie, što ŭłady Biełarusi i Ŭkrainy abmiarkoŭvajuć abmien Šarojki na Palityku, ale heta «dalikatnaje pytańnie»
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary