Sud aryštavaŭ Barysa Hiermana, jaki padazrajecca ŭ arhanizacyi «zabojstva» žurnalista Arkadzia Babčanki.
Mahčymaść uniasieńnia zakładu rašeńnie suda nie praduhledžvaje.
Na praciahu 5 sutak pastanovu možna budzie abskardzić.
Barys Hierman, jaki padazrajecca ŭ arhanizacyi «zabojstva» žurnalista Arkadzia Babčanki, na sudzie zajaviŭ, što supracoŭničaje z ukrainskaj kontrraźviedkaj.
«Ja supracoŭničaju z unutranaj vyviedkaj z nahody vyjaŭleńnia na terytoryi Ukrainy ŭździejańnia Rasijskaj Fiederacyi z nahody źmieny ŭłady Ukrainy», — skazaŭ Hierman.
Jon taksama skazaŭ, što «kontrraźviedka kanfliktuje z SBU», i «zamiest taho, kab abaraniać dziaržavu, jany pačynajuć ciahnuć koŭdru na siabie».
Hierman zapeŭnivaje, što jaho zadačy byli ŭ vyvučeńni «patokaŭ hrašovych srodkaŭ, jakija prychodziać va Ukrainu» z Rasii, terarystyčnych hrup, palityčnych partyj i dziejačaŭ, jakija finansujucca ludźmi z atačeńnia Uładzimira Pucina.
«Nam byŭ pradstaŭleny śpis 30 čałaviek, jakich jany chacieli b źniščyć na terytoryi Ukrainy, jaki adrazu ž byŭ pieradadzieny ŭ kontrraźviedku», — zajaviŭ tak zvany arhanizatar zabojstva Babčanki.
Hierman adznačyŭ, što epizod «zabojstva» Babčanki byŭ častkaj jaho pracy.
«My vydatna viedali, što nie budzie nijakaha zabojstva, što heta ŭsio budzie insceniravana», — zapeŭniŭ Hierman.
Pavodle jaho słoŭ, usio heta «rabiłasia tolki na karyść dziaržavy».
Taksama Hierman zapeŭniŭ, što ŭchilacca ad śledstva nie budzie.
Kamientary