Vienhryja ŭvodzić «śpiecyjalny mihracyjny padatak» u pamiery 25%. Vypłačvać jaho buduć niaŭradavyja arhanizacyi, jakija akazvajuć padtrymku imihrantam, paviedamlaje euronews.com.
Pra heta ŭ aŭtorak zajavili ŭ Ministerstvie nacyjanalnaj ekanomiki Vienhryi. Kali zakon ustupić u siłu i ź jakich kankretna vidaŭ dziejnaści budzie bracca padatak, u viedamstvie nie ŭdakładnili. Hetymi adličeńniami Budapiešt spadziajecca kampiensavać zatraty dziaržbiudžetu na baraćbu ź niezakonnaj mihracyjaj, jakuju aktyvizavaŭ urad Viktara Orbana.
Jašče adno tamu paćviardžeńnie — zakonaprajekt «Stop Soras». Hałasavańnie pa im vienhierski parłamient praviadzie ŭžo ŭ sieradu, nie čakajučy vysnoŭ ekśpiertaŭ Vieniecyjanskaj kamisii (cvaje rekamiendacyi jana pavinna apublikavać u piatnicu). Zakanadaŭčaja inicyjatyva, jakuju aktyŭna krytykujuć pravaabaroncy, uklučaje ŭ siabie zabaronu na dziejnaść arhanizacyjaŭ, źviazanych ź miljarderam Džordžam Sorasam, a taksama kryminalnaje pakarańnie NDA, jakija zajmajucca imihracyjaj u Vienhryju.
Kamientary