30 kastryčnika ŭ sudzie Minskaha rajona pačaŭsia praces pa spravie žonki Ramana Mienciuka Volhi Mianciuk.
30 kastryčnika ŭ sudzie Minskaha rajona pačaŭsia praces pa spravie žonki Ramana Mienciuka Volhi Mianciuk.
Staršynstvuje na pracesie sudździa Siarhiej Afonski.
U dačynieńni da V.Mianciuk raspačata sprava pa abvinavačańni va ŭčynieńni złačynstva, praduhledžanaha č. 2 art. 318 Kryminalnaha kodeksa (vypusk u ekspłuatacyju technična niaspraŭnaha transpartnaha srodku abo niezakonny dopusk da kiravańnia im, što mieła vynikam pa nieaściarožnaści pryčynieńnie ciažkaha cialesnaha paškodžańnia).
Maksimalnaja sankcyja hetaha artykuła — piać hadoŭ pazbaŭleńnia voli.
Nahadajem, 2 sakavika 2008 hoda abvinavačvanaja pieradała kiravańnie aŭtamabilem «Folksvahien‑Holf» svajmu na toj momant budučamu mužu Ramanu Mienciuku. Kirujučy aŭtamašynaj na chutkaści prykładna 160 km/hadz u stanie ałkaholnaha ap\janieńnia, R.Mianciuk vinoŭnikam DTZ na 8‑m kiłamietry trasy Minsk — Mikaševičy. U vyniku niekalki aŭtamašyn, jakija supracoŭniki DAI vystavili ŭ jakaści ščyta, kab spynić parušalnika, byli paškodžany, a vadzicieli i pasažyry niekatorych ź ich traŭmavany.
25 červienia dva supracoŭniki DAI Kastryčnickaha rajona Minska byli pryhavorany da dvuch hadoŭ pazbaŭleńnia voli ŭmoŭna z adterminoŭkaj na try hady biez prava zajmać peŭnyja pasady na praciahu troch hadoŭ na padstavie č. 1 art. 426 KK (pieravyšeńnie ŭłady abo słužbovych paŭnamoctvaŭ).
29 kastryčnika sud Minskaha rajona pryznaŭ R.Mienciuka vinavatym va ŭčynieńni złačynstva,praduhledžanaha č. 2 art. 317 KK (parušeńnie praviłaŭ darožnaha ruchu pry ekspłuatacyi transpartnaha srodku, što mieła vynikam pa nieaściarožnaści pryčynieńnie ciažkaha cialesnaha paškodžańnia), i pryhavaryŭ da piaci hadoŭ pazbaŭleńnia voli z adbyvańniem pakarańnia ŭ kałonii ahulnaha režymu i pazbaŭleńniem prava kiravańnia transpartnymi srodkami na piać hadoŭ.
Paśla pačatku pasiadžeńnia pa spravie V.Mianciuk byŭ abjaŭleny paŭhadzinny pierapynak, pakolki na praces nie źjaviŭsia dziaržaŭny abvinavaŭca.
Prysutny ŭ zale suda Raman Mianciuk zajaviŭ žurnalistam, što praciahvaje abjaŭlenuju 29 kastryčnika haładoŭku, pakolki ličyć pryhavor ŭ dačynieńni da siabie niezakonnym. «Kali b nam pastavili zakonnuju pieraškodu z abaznačeńniem na darozie prabliskovymi majačkami i pieraškodu «Jož», ja b spyniŭsia. Adnak abaznačeńnia pieraškody nie było, i ja jaje nie bačyŭ. Ja liču, što my paciarpieli ad niezakonnych dziejańniaŭ supracoŭnikaŭ milicyi, i my faktyčna pavinny źjaŭlacca paciarpiełymi», — skazaŭ R.Mianciuk.
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona1
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj22
Kamientary