Hienieralnaja prakuratura Kyrhyzstana praciahvaje dabivacca ad Biełarusi ekstradycyi byłoha premjer-ministra krainy Danijara Usienava, jaki pražyvaje ŭ Minsku pad imiem Daniił Urycki.
14 śniežnia 2017 hoda prakuratura Kyrhyzstana nakiravała biełaruskim kaleham chadajnictva z prośbaj «pryniać miery pa vyšuku i zatrymańni Danijara Usienava, jaki źmianiŭ svaje ankietnyja danyja na Daniiła Uryckaha».
Sioleta ŭ sakaviku Hienprakuratura Biełarusi admoviła ŭ chadajnictvie.
U sakaviku 2018 hoda Hienieralnaj prakuraturaj Kyrhyzstana iznoŭ byŭ nakiravany zapyt ab vydačy Usienava (Uryckaha). Tady jon byŭ zavočna prysudžany da 15 hadoŭ turmy za złoŭžyvańnie słužbovym stanoviščam i parušeńnie ziamielnaha zakanadaŭstva. Akramia taho, u 2016 hodzie Viarchoŭny sud Kyrhyzstana pryznaŭ Usienava vinavatym u saŭdziele ŭ zabojstvie, zamachu na zabojstva, pieravyšeńni słužbovych paŭnamoctvaŭ i złoŭžyvańni słužbovym stanoviščam, zavočna prysudziŭšy jaho da pažyćciovaha pazbaŭleńnia voli.
Ciapier Hienprakuratura Kyrhyzstana praciahvaje pracu pa jaho ekstradycyi.
Danijar Usienaŭ uvachodziŭ u kamandu prezidenta Kurmanbieka Bakijeva, jaki ŭ 2010 hodzie ź siamjoj bieh z krainy ŭ Biełarusi.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary