U Polščy na balničny z-za stomy pajšoŭ ceły palicejski ŭčastak
Niedachop supracoŭnikaŭ palicyi ŭ Zachodnie-Pamorskim vajavodstvie Polščy pryvioŭ da taho, što palicejskija pačali masava pakidać pracoŭnyja miescy z-za pieratamleńnia, paviedamlaje Niezaležny samakiravany prafsajuz palicejskich (NSZZP).
Pavodle jaho źviestak, u asobnych vypadkach biez supracoŭnikaŭ zastajucca cełyja ŭčastki. U pryvatnaści, na balničny syšli adrazu ŭsie palicejskija ŭčastka na adnoj z čyhunačnych stancyj u najbujniejšym horadzie vajavodstva Ščecin, a taksama ŭsie supracoŭniki adździeła rasśledavańniaŭ u miastečku Kamień-Pamorski. Akramia taho, pa miedycynskich pryčynach pracoŭnyja miescy pakinuli 70% palicejskich z učastku ŭ ščecinskim rajonie Niebušava.
Kiraŭnik praŭleńnia NSZZP Rafał Jankoŭski zapeŭniŭ, što havorka idzie nie pra akcyju pratestu, bo palicejskija pa zakonie nie majuć prava ŭdzielničać u zabastoŭkach. Prablema, pa słovach Jankoŭskaha, u tym, što ŭ letni pieryjad palicejskija vymušany vykonvać abaviazki kalehaŭ, jakija pajšli ŭ adpačynak, što, va ŭmovach niedakamplektu asabovaha składu, viadzie da značnaj pierapracoŭki i pieratamleńnia.
«Čałaviečaja tryvałaść maje svaje miežy», — skazaŭ Jankoŭski ŭ intervju partału Onet.pl.
Pa słovach pradstaŭnika NSZZP, palicejskich nie chapaje va ŭsioj Polščy, adnak u Zachodnim Pamorji situacyja skłałasia asabliva ciažkaja, niedakamplekt asabovaha składu tut pieravyšaje 10%. U tym liku i z-za blizkaści z Hiermanijaj, dzie možna znajści lepš apłačvanuju i mienš ciažkuju pracu.
«Kali nie vypravić situacyju, takich vypadkaŭ budzie ŭsio bolš i bolš», — skazaŭ Jankoŭski.
Minčanka vybiła piarednija zuby na samakacie, straciła praz heta muža, ale ciapier źbiraje miljony prahladaŭ u tyktoku9
Kamientary