Indyjskaja rupija ŭpała da rekordna nizkaha ŭzroŭniu ŭ adnosinach da dalara. Jak piša The Independent, pryčynaj pasłužyŭ kryzis u Turcyi.
Abvał vymusiŭ inviestaraŭ pierajści na bolš biaśpiečnyja valuty, takija jak šviejcarski frank i japonskaja ijena. Pieršy, u svaju čarhu, padyšoŭ uščylnuju da hadavoha maksimumu ŭ adnosinach da jeŭra, a druhaja vyrasła da šaścitydniovaha maksimumu.
Indyjski centralny bank umiašaŭsia ŭ situacyju na valutnym rynku, ale nie zmoh praduchilić dalejšaje padzieńnie rupii. U vyniku valuta źniziłasia da 69,62 rupii za dalar.
Vydańnie adznačaje, što pad ciskam taksama akazaŭsia dalar Novaj Ziełandyi, jaki adčuŭ nastupstvy tureckaha kryzisu i apuściŭsia nižej za adznaku 0,66 dalara ZŠA za apošnija dva hady.
Akramia taho, jeŭrapiejskija banki sprabujuć vyśvietlić, nakolki mocna jany mohuć paciarpieć z pryčyny prablem u Turcyi. Asabliva heta moža zakranuć Ispaniju, Francyju i Italiju.
10 žniŭnia kurs tureckaj liry abvaliŭsia ŭ adnosinach da dalara na 18 adsotkaŭ. Heta adbyłosia paśla zajavy prezidenta ZŠA Donalda Trampa ab pavyšeńni pošlin na aluminij i stal z Turcyi.
Na momant napisańnia natatki kurs indyjskaj rupii składaŭ 68,96 rupii za dalar ZŠA. Dalar Novaj Ziełandyi — 0,658 dalara ZŠA. Tureckaja lira zastajecca na raniejšym uzroŭni — 6,89 liry za dalar. Rasijskaja valuta taksama padpała pad cisk z boku Turcyi, u chodzie handlu 13 žniŭnia dalar pieravysiŭ 68 rubloŭ, a jeŭra — 78 rubloŭ.
U Biełarusi dalar taksama abnaviŭ hadavy maksimum — 2,0707 rubla.
Kamientary