Ab hetym BIEŁTA paviedamili ŭ adździele ideałahičnaj raboty, kultury i pa spravach moładzi Iŭjeŭskaha rajvykankama.
Śviata «Iŭjeŭski pamidor» rajcentr prymie ŭžo druhi raz. Iŭje ličycca pamidornaj stalicaj Hrodzienskaj vobłaści: štohod miascovyja vytvorcy pastaŭlajuć va ŭsie rehijony Biełarusi, a taksama ŭ krainy blizkaha zamiežža zvyš 4,5 tys. t vitaminavaj pradukcyi.
«Usio śviata, viadoma, budzie pryśviečana iŭjeŭskamu pamidoru. Pavodle raspačataj letaś tradycyi na hałoŭnaj scenie budzie zakatanaja pieršaja banka tamataŭ uradžaju hetaha hoda», - raspaviali ŭ rajvykankamie.
Paviedamlajecca, što ŭpieršyniu sioleta praviaduć konkurs na samy vialiki pamidor. Vybieruć na śviacie i najlepšuju pamidornuju stravu, vyznačać samy aryhinalny recept. Pačastujuć haściej i tradycyjnym - daŭžynioj u niekalki mietraŭ - pamidornym buterbrodam.
Kamientary