Niahledziačy na rezkija zajavy Alaksandra Łukašenki, što prahučali ŭ adras Rasii, Minsk zastajecca sajuźnikam Maskvy, zajaviŭ pres-sakratar Kramla Dźmitryj Piaskoŭ. U toj ža čas pradstaŭnik prezidenta Rasii pryznaŭ, što ŭ adnosinach krain jość «šurpataści».
«Davajcie nie zabyvać, što ŭ nas sajuznaja dziaržava», - nahadaŭ Piaskoŭ, adkazvajučy na prośbu prakamientavać słovy Łukašenki pra «varvarstva Rasii».
Pradstaŭnik Kramla padkreśliŭ, što «abjom adnosin pamiž krainami hetak vialiki, što nie moža ažyćciaŭlacca biez šurpataściaŭ». «U tym liku dla ŭrehulavańnia šurpataściaŭ sustrakajucca prezidenty», - dadaŭ Piaskoŭ.
Pres-sakratar prezidenta RF nahadaŭ, što sustreča lidaraŭ Rasii i Biełarusi projdzie siońnia ŭ Sočy. Pa słovach Piaskova, rabočyja pieramovy Pucina i Łukašenki projduć adrazu śledam za sustrečaj rasijskaha lidara z prezidentam Finlandyi Saŭli Niiniścio, jaki taksama znachodzicca ŭ Sočy. Paśla razmovy kiraŭniki Rasii i Biełarusi pozna ŭviečary majuć namier sumiesna naviedać niejkaje spartovaje mierapryjemstva.
U «varvarskich pavodzinach» i niesumlennaj kankurencyi Alaksandr Łukašenka abvinavaciŭ Rasiju 10 žniŭnia.
«U nas ciapier ciažki pieryjad — rasijanie pavodziać siabie pa-varvarsku ŭ adnosinach da nas. Ad nas patrabujuć čahości, jak byccam my vasały ŭ ich», - skazaŭ biełaruski kiraŭnik. Hetuju pazicyju jon patłumačyŭ tym, što Rasija, na jaho dumku, nastojvaje na vykanańni Biełaruśsiu ŭsich abaviazacielstvaŭ u ramkach JEAES, pry hetym sami rasiejcy «vykonvać svaje abaviazacielstvy nie chočuć». Łukašenka dadaŭ, što hetaja tema stanie adnoj z asnoŭnych padčas jaho majučaj adbycca sustrečy z Uładzimiram Pucinym.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary