Mierkiel admoviłasia ličyć Hiermaniju zaležnaj ad Rasii z-za hazapravoda
Hazapravod «Paŭnočny patok — 2» nie pastavić Hiermaniju ŭ zaležnaść ad Rasii, zajaviła kancler FRH Anhieła Mierkiel padčas vystupu pierad studentami ŭ Tbilisi.
Jana pry hetym adznačyła, što tranzit rasijskaha hazu praz Ukrainu nieabchodna praciahvać i paśla taho, jak «Paŭnočny patok — 2» zapracuje.
U čas sustrečy ŭ Hiermanii 19 žniŭnia prezident Rasii Uładzimir Pucin zapeŭniŭ Mierkiel, što Rasija płanuje zachavać tranzit hazu praz Ukrainu. Ab temach razmovy dvuch lidaraŭ raspavioŭ tady pres-sakratar prezidenta Dźmitryj Piaskoŭ.
Pucin i Mierkiel pahadzilisia, što hazapravod vyklučna kamiercyjny i było b «niapravilna niejkim čynam palityzavać hety prajekt», dadaŭ tady Piaskoŭ.
Suprać budaŭnictva «Paŭnočnaha patoku — 2» aktyŭna vystupaje Vašynhton.
Kamientary