Mierkavańni2121

Andrej Kurejčyk pra «Kryštal»: 90-ja — heta pieradusim nacyjanalnaje adradžeńnie, a hetaha ŭ filmie niama. Jon emihrancki

Kalehi paklikali na premjeru filma «Kryštal» Darji Žuk. Chaču skazać, što heta cudoŭnaje fiestyvalnaje kino, jakoje absalutna zasłužana atrymała ŭznaharody fiestyvalaŭ, i napeŭna jašče atrymaje ich niamała, piša ŭ siabie ŭ fejsbuku Andrej Kurejčyk.

Heta ŭ pieršuju čarhu zasłuha Darji, ale ja vinšuju ŭsich maich siabroŭ i kalehaŭ, jakija majuć dačynieńnie da hetaha prajektu, pierš za ŭsio Valeryja Dmitračenku i Siarhieja Jakuboŭskaha i mnohich inšych. Pra sam film napisana šmat krytyki, ja lepš nie napišu.

Ale voś jakija ŭ mianie dumki.

Dla mianie «Kryštal» viančaje tendencyju, jakuju, čamuści našaja kinasupołka i krytyka prapuściła, a jaje varta abmierkavać. A tendencyja składajecca ŭ tym, što

samyja značnyja adnosna biełaruskija fiestyvalnyja stužki apošnich hadoŭ «U tumanie» Siarhieja Łaźnicy (premjera Kany), «Tufliki» (Monte-Karła) i «Śviedki» (MMFK) Kanstancina Fama, «Kryštal» Darji Žuk (Karłavy Vary), rabilisia pa adnoj i toj ža schiemie. Režysior, jaki daŭnym daŭno žyvie na Zachadzie (Łaźnica šmat hadoŭ tamu ŭładkavaŭsia ŭ Bierlinie, Kościa viečnaść žyvie ŭ Łos Anželesie, Darja ŭ 16 hadoŭ u siaredzinie 90-ch źjechała ŭ Ńju-Jork i z kancami), pryjazdžaje ŭ Biełaruś zdymać kino za zachodnija biudžety, ale na adnosna biełaruskuju prablematyku i biełaruski materyjał.

(Pieršyja — prablematyku vajny ŭ Biełarusi, Darja — 90-ch hadoŭ tut ža), pryciahvajučy miascovy pradakšn, častku artystaŭ i pazicyjanujučy heta jak adnosna sumiesnaje biełaruskaje kino.

Plusy hetaj tendencyi ŭ tym, što biudžety ŭsich hetych filmaŭ na niekalki paradkaŭ vyšejšyja za tyja, jakija majuć niezaležnyja kiniematahrafisty ŭ Biełarusi (bolš za 400 tysiač jeŭra kaštavaŭ «Kryštal», bolš za dva miljony jeŭra «U tumanie» i «Śviedki» suprać tysiač ci maksimum dziasiatkaŭ tysiač na jakija zdymajuć niezaležnyja režysiory tut), svabody značna bolš, jość pieršapačatkovaja intehracyja ŭ jeŭrapiejskaje fiestyvalnaje žyćcio, dy i naš pradakšn značna bolš adkryty dla nierezidentaŭ, ale ź biełaruskim bekhraundam i z dobrymi biudžetami. Što kazać, kali navat dziaržaŭny «Biełaruśfilm», jaki zaŭsiody hrebavaŭ i zanosiacca pierad miascovymi niezaležnymi kinavytvorcami, u hetych vypadkach zaŭsiody hatovy na rolu «pryniasi-padaj» i dolu 4—7 adsotkaŭ (naturalna, u nadziei apynucca na čyrvonaj darožcy jakoha-niebudź fiestyvalu).

Byvali ŭ hetaj tendencyi i nie takija paśpiachovyja precedenty (choć u lubym vypadku jany jaje paćviardžajuć): Uiljam Devital-Vasilkoŭ, z taho ž Łos-Anželesa pryjazdžaŭ zdymać nacyjanalnaje kino pra Biełaruś, małady Kiryła Nonh adtul ža prylacieŭ, kab pakazać jak «źniać na parazu».

Usie jany zdymali ŭ Biełarusi toje, što tut zachoplena nazyvajuć «biełaruskim kino». A pa toj bok miažy, va ŭsich katałohach i intervju, nazyvajuć čamuści «ruskim», «amierykanskim», «jeŭrapiejskim» i roznym inšym…

Ja heta nazyvaju «sindromam Viktoryi Azaranka». Vydatna, žyć u Amierycy, być absalutnym bienieficyjaram amierykanskaha dabrabytu, płacić tam padatki i jeździć pa amierykanskim pašparcie, a siudy pryjazdžać tolki pa ŭznaharody ad Łukašenki i ŭ hety momant raptam stanovicca «biełaruskaj tenisistkaj».

«Sindrom Azaranka» ŭ biełaruskim kino kaža tolki ab adnym — unutrany rynak usio jašče nie skłaŭsia.

U hetym sensie, vy ŭžo ŭsie mnie prabačcie, daražeńkija maje, ale ŭ mianie jašče bolš ščyraj pavahi da tych biełaruskim režysioraŭ, jakija, žyvučy tut, niahledziačy ni na što, za kapiejki zdymajuć u Biełarusi niezaležnaje abo nonkanfarmisckaje kino: Andreju Kudzinienku, Uładzie Siańkovaj, Julii Šatun, Siarhieju Tałybavu, Maksu Siramu, Andreju Hołubievu, Mitryju Siamionavu-Alejnikavu, Viktaru Aśluku, Mikitu Łaŭreckamu dyj niabožčyku Sašy Kołbyšavu. Siabie ja taksama da ich adnošu. Tamu što my žyli i žyviom u inšaj realnaści.

Heta viadoma pryjemna, źjechać u Łondan, jaki-niebudź, stać karespandentam Asašyejted pres, pražyć tam dvaccać hadoŭ, zatym pryjechać u Biełaruś, z najkruciejšaj pres-kartaj, sutačnymi ŭ funtach i najnoŭšaj kamieraj i zrabić ačmuralny repartaž z kałhasa. Viarnucca nazad u svoj Łondan, i atrymać tam kuču žurnalisckich premij. A ty papracuj ŭ BiełaPANie ci na TUT.baj, kali ciabie šmanajuć, zabaraniajuć vyjezd z krainy, zavodziać kryminalnyja spravy. Papracuj hady, za hety zarobak, hetak ža sama robiačy repartažy z taho ž kałhasa.

Prostaje pytańnie: žyvi Łaźnica, Fam, Žuk u Biełarusi, źniali b jany svaje filmy tak i za takija biudžety? Žyvi jany tut, mieli b jany takija mahčymaści? Nie ŭpeŭnieny. A čamu?

Tamu što New York Art Council daŭ hrant Dašy na zdymki filma pra niejkuju tam dalokuju Biełaruś i pra dziaŭčynu, jakaja žadaje zvalić z krainy, a adździeł ideałohii Minharvykankama nie daŭ by. Voś i ŭsio. Niamieckija fondy dali Łaźnicu paŭtara miljona jeŭra na biełaruskaha piśmieńnika Vasila Bykava, a Dryha b nie dała. Tamu što Bykaŭ byŭ suprać Łukašenki.

Viadoma, usim razumnym režysioram Biełarusi ŭziać i źjechać na Zachad — vyjście. Šancaŭ zdymać tam kino — bolš. Dostup da resursaŭ značna šyrejšy. A praktyka pakazvaje, što možna vydatna žyć na Zachadzie, choć ź dziacinstva, choć z naradžeńnia, i pry hetym vydatna zastavacca «biełaruskim režysioram». I prymuć ciabie tut značna lepš, kali ty žyvieš za miažoj. Ale niešta mnie ŭ hetaj darozie nie padabajecca… Nie padabajecca, i ŭsio. Jak nie padabajecca jak pa-biełarusku kažuć u Siarožynym «U tumanie». Choć tym, chto čytaje fiestyvalnyja subcitry ŭ Kanach, było ŭsio roŭna…

Ale heta tak. Pra tendencyi. Pra situacyju ŭvohule.

A kankretna ŭ «Kryštali» mnie vielmi spadabałasia rola Śviety Anikiej, a hałoŭnaja hierainia nu vielmi padobnaja da adnoj majoj adnakłaśnicy. I jašče, asabista dla mianie. 90-ja ŭ Biełarusi — heta pierš za ŭsio Pahonia i bieł-čyrvona-bieły… Heta karotki momant nacyjanalnaha adradžeńnia. Mnie škada, što film usio heta abyšoŭ. Mnie hetaha brakavała.

Darji Žuk, Valeru Dźmitryčenka i ŭsim datyčnym ščyryja vinšavańni z premjeraj!

Kamientary21

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5

Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam

Usie naviny →
Usie naviny

U Biełaruś ekstradavali kilera bandy Marozava. Ciapier jaho rasstralajuć? A voś i nie1

Vajskovuju mašynu z amierykanskimi vajskoŭcami, što zatanuła na palihonie ŭ Litvie, dastali

U Italii zatrymali rumynaŭ, što mianiali staryja biełaruskija kupiury na jeŭra1

Tramp: Zialenski choča vyjści sa ździełki pa minierałach14

«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ1

U Kaardynacyjnaj radzie stvaryli pracoŭnuju hrupu pa pytańni źniknieńnia śpikierki Mielnikavaj32

U Murmansku čałaviek zabraŭsia na dach šmatpaviarchovika i pačaŭ stralać. Jaho niejtralizavali tolki praź dźvie hadziny6

Były dypłamat i były deputat Savinych ulapaŭsia ŭ partyju Hajdukieviča11

«Ja nie žartuju. Šmat chto choča, kab ja heta zrabiŭ». Tramp nie vyklučyŭ, što pojdzie na treci termin26

bolš čytanych navin
bolš łajkanych navin

Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5

Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam

Hałoŭnaje
Usie naviny →

Zaŭvaha:

 

 

 

 

Zakryć Paviedamić