Vydańnie Forbes apublikavała rejtynh najbahaciejšych rasijskich siemjaŭ u 2018 hodzie.
Rejtynh ŭznačaliła siamja Michaiła Huceryjeva, adznačaje ria.ru. Supolnaje bahaćcie siamji acenienaje ŭ 5,97 miljarda dalaraŭ. Pry hetym adznačajecca, što kłan «straciŭ» adnaho sa svaich členaŭ - Mika Šyšchanava. Bahaćcie siamji taksama značna źmienšyłasia za hod - u 2017 hodzie jano składała 9,91 miljarda dalaraŭ. Vydańnie ŭklučyła ŭ skład siamji, akramia samoha Michaiła Huceryjeva, Saita-Sałama Huceryjeva, Saida Huceryjeva i Biłana Užachava.
Michaił Huceryjeŭ daniadaŭna vałodaŭ i kampanijaj «Słavniefť» — biełaruskaj «dačkoj» rasijskaj kampanii «Ruśniefť» — i sioleta pradaŭ jaje za 1,8 młn dalaraŭ pakupniku, imia jakoha nie raskryvajecca.
Na druhim miescy śpisu Forbes udałosia zamacavacca siamji Ratenbierhaŭ, čyjo bahaćcie aceńvajecca ŭ 4,85 miljarda dalaraŭ. Akramia Arkadzia i Barysa Ratenbierhaŭ u jaje ŭvachodziać syn Arkadzia Ihar Ratenbierh i dačka Lilija. Jak adznačaje vydańnie, biznesu hetaj siamji pieraškadžajuć uviedzienyja ŭ 2014 hodzie sankcyi, adnak za minuły hod ich sukupnaje bahaćcie vyrasła na 650 miljonaŭ dalaraŭ.
Treci radok zaniali Valancin Haponcaŭ i jaho syn Dzianis. Ich sukupnaje bahaćcie vydańnie acaniła ŭ 3,14 miljarda dalaraŭ. Pry hetym letaś Haponcavy nie ŭvachodzili navat u top-10 rejtynhu.
Zamykajuć pieršuju piaciorku śpisu siamji Šajmijevych i Rachimkułavych.
U top-10 rejtynhu samych bahatych siemjaŭ u Rasii taksama ŭvajšli siemji Sarkisavych, Šamałavych, Bažajevych, Mahamiedavych i Zubickich.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina15
Kamientary