Krama suvieniraŭ raspracavała sieryju futbołak «Fieminizm», ale jany atrymalisia seksisckimi FOTY
Krama suvieniraŭ «Johurtny tort» prezientavała aŭtarskuju sieryju pryntoŭ dla futbołak, a taksama kiepki pad nazvaj «Fieminizm». Hrošy na ich druk entuzijasty prajekta pačali źbirać na kraŭdfandynhavaj placoŭcy «Vulej».
«Kalekcyja «Fieminizm» — heta pieršyja ŭ śviecie prynty, jakija palapšajuć tvaje prafiesijnyja navyki (fieministki mohuć pamnažać na 2 usie značeńni charaktarystyk, napisanych na majkach). Hetyja prynty pasujuć tolki dziaŭčatam z mocnym charaktaram, jakija sapraŭdy viedajuć, jak dasiahać svaich metaŭ», — značycca ŭ apisańni prajekta.
Usio b ničoha, ale sami prynty papachvajuć seksualnaj abjektyvacyjaj: na futbołkach źbirajucca drukavać aholenych dziaŭčat.
Pytańnie vyklikaje i apisańnie: «Plus adzin da pamieraŭ vašych hrudziej i popy».
Stvaralniki prajekta apraŭdvajucca tym, što ŭsio heta — ironija i jany «nie pretendujuć na zvańnie fieminisckaha prajekta».
«U fieminizmu jak hramadskaha ruchu jość svaja ideałohija, teoryja i praktyka. Takaja ž matčastka, jak u ekołahaŭ, u tych, chto abaraniaje pravy dziaciej, ludziej ź invalidnaściu i hetak dalej. Pry hetym fieministkam čaściakom bolš za inšych treba dakazvać svajo «prava na žyćcio». Napisać hadaść ci hłupstva pra ludziej ź invalidnaściu ŭžo sacyjalna nieprymalna i adžartavacca pra adsutnaść pačućcia humaru nie atrymajecca. A pra fieminizm i fieministak možna, a kali žartaŭ nie razumiejecie, heta vašy prablemy. Kreatyŭnyja ludzi — jany takija, miežy bačać vybaračna», — aburajecca kiraŭnica arhanizacyi «Hiendarnyja pierśpiektyvy» Iryna Alchoŭka.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary