Staŭki dla niezaležnaha hramadztva siońnia vysokija - łukašenkaŭcy raspačali reformy. Kamentuje Andrej Pavač.
Staŭki dla niezaležnaha hramadztva siońnia vysokija - łukašenkaŭcy raspačali reformy. Kamentuje Andrej Pavač.
Ja hladžu na sytuacyju ŭ našym hramadztvie aptymistyčna. My pieražyli vyklučna ciažkija časy tatalnaha niepryznańnia nacyjanalnych kaštoŭnaściaŭ, ich vyniščeńnia, ale praciahvali isnavać.
Začapiŭšysia paśla 1995 hodu litaralna na ŭskrajku prorvy, my ŭ duchoŭnym sensie nie zdali nivodnaj našaj pazycyi.My štohod uparta źbirajemsia 25 Sakavika, ušanoŭvajem Dziady i mahiły našych hierojaŭ, uparta dakazvajem uładam svajo prava na ŭnutranuju aŭtanomiju. Adnym słovam, my jość i nam jość ad čaho adšturchnucca, jość što prapanavać dziaržavie. Ź ironijaj ciapier uspaminajucca sproby niekatorych našych palitykaŭ demakratyzavać Biełaruś z dapamohaj Rasiei, hramadztvu jakoj, jak vyjaviłasia, kudy dalej da demakratyi i ŭśviedamleńnia svajoj nacyjanalnaj idei, čym biełaruskamu.
Jašče Aleksis de Takvil u svajoj pracy «Stary ład i revalucyja» śćvierdziŭ, što revalucyja zaŭsiody prychodzić tady, kali ŭłady kryšačku, by tak mović, «adpuskajuć lejcy». Što prymušaje ŭładu rabić sproby vypuścić paru z hramadzkaha katła - inšaja sprava, adnak racyi francuza nie pryznać nielha: revalucyi, i ŭ Francyi XVIII-ha, i ŭ Rasiei XX-ha, i va Ŭkrainie XXI-ha stahodździaŭ byli reakcyjaj hramadztva, jakoje ŭžo adčuła smak peŭnaj svabody, na sprobu znoŭ zakrucić hajki.
Nia budu spračacca, da jakoj stupieni hatovyja «demakratyzavacca» i tym bolš «abiełarušvacca» ciapierašnija ŭłady, adnak dźvie rečy peŭnyja. Pa-pieršaje -- sproby stvaryć chacia b dla zamiežža karcinu niezaležnictva ciapierašnich uładaŭ buduć mieć miesca. Pa-druhoje, buduć da apošniaha trymać usie «demakratyzacyjnyja» pracesy pad kantrolem.
Jaskravy dokaz pieršaha - čutki pra skačok Paŭła Łatuški z pasady pasła ŭ Polščy ŭ Administracyju A.Łukašenki. Kolišniamu biełaruskamoŭnamu pres-sakrataru MZS pryhatavana rola hałoŭnaha prapahandysta «łukašyzmu ŭ nacyjanalnaj kašuli». Charakterna, što pajšli i čutki pra budučy pieravod na biełaruskuju movu pałovy pieradač telebačańnia.
Adnak nia plotki mianie cikaviać. Spakoju nie daje inšaje -
na što vyjavicca zdatnym niezaležnaje biełaruskaje hramadztva, kab u spryjalnaj kańjunktury vyrvać dla siabie značnaje miesca na hramadzkaj i, mahčyma, navat palityčnaj arenie?Siońnia heta pytańnie numar adzin. Apazycyja raskołataja, zahrazłaja ŭ tannym krytykanstvie.
Siońnia patrebny sapraŭdy ŭsiehramadzki schod, jaki skončyć narešcie idyjockija svarki i sfarmuluje asnoŭnyja patrabavańni, jakich treba damahacca. Patrabavańni hetyja jasnyja: svaboda vydańnia i raspaŭsiudu niezaležnaj presy, dazvoł na stvareńnie i svabodnaje funkcyjanavańnie hramadzkich arhanizacyj i palityčnych partyj, viartańnie ŭ školnuju adukacyju biełaruskamoŭnaha navučańnia historyi…
Akramia jak zhurtavacca, inšaha vychadu ŭ apazycyi niama.Možna, viadoma, chitravata paśmichacca i ŭpeŭniena pierakonvać najpierš samych siabie ŭ tym, što chutka adliha skončycca, a Eŭropu čakaje čarhovy vialiki abłom, adnak padobnaja pazycyja - heta pazycyja nia zdatnaha ni na što paŭpłyvać naziralnika.
Staŭki vysokija. Łukašenkaŭcy raspačali reformy. Jany sprabujuć stvaryć bačnaść isnavańnia niezaležnaha ad uładaŭ «hramadzkaha sektaru», jaki byccam padtrymlivaje i radasna adabraje ŭsie pačynańni ŭładaŭ. Admoŭčvajučysia,
ničoha nia robiačy, my možam stracić navat toje niamnohaje, što majem siońnia.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary