Žychary ahraharadka na Viciebščynie abmiarkoŭvajuć zdareńnie, jakoje adbyłosia ŭ miascovaj siaredniaj škole: vučań 9-ha kłasa ździejśniŭ dziejańni seksualnaha charaktaru ŭ dačynieńni da šaścikłaśnika. Pra heta TUT.BY paviedamiŭ adzin z baćkoŭ školnikaŭ.
- Situacyju abmiarkoŭvajuć mnohija žychary našaha pasiołka. Heta adbyłosia ŭ školnaj prybiralni pazaŭčora, 26 vieraśnia. Była pieršaja pałova dnia, a pakolki ŭ škole tolki adna źmiena, to ŭsio zdaryłasia padčas navučalnaha pracesu. Žychary pasiołka bačyli, jak da škoły padjazdžała milicyja, chutkaja. Hvałtaŭnik - vučań 9-ha kłasa, jon ź nieščaślivaj siamji, jakaja žyvie ŭ susiedniaj vioscy. Chłopčyk zaŭsiody adroźnivaŭsia chulihanskimi pavodzinami, mnohija dzieci jaho bajalisia. Achviara — 6-kłaśnik. Jon z asablivaściami raźvićcia, cichaje, zamknionaje ŭ sabie dzicia. Jaho siamja žyvie ŭ inšaj vioscy niepadalok. U sieradu šaścikłaśnika sa škoły źviezła chutkaja, — raspavioŭ žychar ahraharadka.
Pa słovach mužčyny, u škołu pryjazdžajuć śledčyja: biaruć pakazańni ŭ dziaciej.
Dyrektar škoły ŭ razmovie z karespandentam TUT.BY zajaviła:
— Idzie śledstva, bolš nijakaj infarmacyi.
Uviečary ŭ piatnicu ŭ ahraharadku niekalki miascovych žycharoŭ paćvierdzili, što taki incydent u škole sapraŭdy adbyŭsia.
- Tak, ja čuła pra heta, ale havaryć na hetuju temu nie chaču, - skazała maładaja žančyna i vačami pakazała na pryčynu niežadańnia razmaŭlać — pobač ź joj išło maleńkaje dzicia.
- Ludzi kažuć pra heta, tak. Ale ja padrabiaznaściaŭ nie viedaju, - skazała jašče adna žančyna i paśpiašałasia raźvitacca.
Atrymać kamientar u SK nie ŭdałosia. Aficyjny pradstaŭnik USK pa vobłaści Aksana Łaźko nie adkazvała na telefonnyja zvanki. U adździele infarmacyi i suviazi z hramadskaściu centralnaha aparata Śledčaha kamiteta nam taksama nie dali nijakaj infarmacyi.
Kamientary