Pra heta Pavieł Sieviaryniec zajaviŭ u intervju Radyjo Svaboda, adkazvajučy na pytańnie pra adzinaha kandydata na nastupnych prezidenckich vybarach.
— Chaču zrabić važny akcent. Uvieś čas hučyć, što heta «prezydenckaja kampanija», — skazaŭ Pavieł. — Na samoj spravie lider, jakoha vyłučać pravacentrysty — i, mahčyma, heta budzie asnoŭny demakratyčny lider — jon moža być jak lideram udziełu, hetak i lideram bajkotu. Jość umovy, i ich davoli šmat, pry jakich heta budzie nia prosta kampanija ŭdziełu. Kali źmienicca sytuacyja — zdaroŭje kiraŭnika dziaržavy, unutranyja pryčyny, zamiežny cisk, sacyjalnyja ŭzrušeńni — to spatrebicca raskručany lider, jak Pašynian u Armienii.
I tamu toj, chto budzie hatovy da hetych niečakanych padziejaŭ, chto budzie padrychtavany ŭ planie bačańnia, u asabistym, prahramnym planie, u planie vodhuku na zapatrabavańni ludziej — jon i stanie pieramožcam.
— Vy hatovyja da hetaj roli?
— Ja hatovy da hetaj roli. Inakš by ja nie vyłučaŭsia, — skazaŭ Pavieł Sieviaryniec.
Kamientary