Śviatasłava Baranoviča, asudžanaha za bojku z supracoŭnikam milicyi, čakaje novy sud
U sudzie horada Navapołacka 12 kastryčnika budzie razhladacca sprava Śviatasłava Baranoviča, asudžanaha za ŭžyvańnie hvałtu ŭ dačynieńni da supracoŭnika orhanaŭ unutrannych spraŭ. Pasiedžańnie projdzie faktyčna ŭ zakrytym režymie, pakolki adbudziecca na terytoryi Papraŭčaj kałonii №1 Novapołacka, dzie jon adbyvaje pakarańnie. Sud budzie vyrašać pytańnie ab źmienie režymu adbyćcia pakarańnia Baranovičam na bolš žorstki.
U apošni čas na źniavolenaha administracyja kałonii nakłała kala 9 dyscyplinarnych spahnańniaŭ, a pa źviestkach, jakija atrymała adna ź jahonych siaścior, apošni miesiac jon pravieŭ u karcary.
Pravaabaroncam stała viadoma infarmacyja ab tym, što jahonaja siastra pierastała atrymlivać listy ad brata jašče ŭ lipieni. Jaje zvaroty u Departamient vykanańnia pakarańniaŭ nakont adsutnaści listoŭ byli biezvynikovymi.
Ab tym, što nad bratam adbudziecca sud siastra daviedałasia tolki dziakujučy tamu, što Baranovič 5 kastryčnika zapatrabavaŭ advakata, u vyniku čaho sudovaje pasiedžańnie było pieraniesiena na 12 kastryčnika.
Chto taki Śviatasłaŭ Baranovič?
15 sakavika 2017 hodu, kali ŭ Minsku prachodziŭ «Marš niedarmajedaŭ», adbyłasia sproba zatrymać častku mitynhoŭcaŭ u maskach pad čas ich pasadki ŭ tralejbus supracoŭnikami milicyi ŭ cyvilnym. Usčałasia bojka. Paźniej śledstva, prahledzieŭšy videazapisy bojki, ŭstanaviła, što mienavita Baranovič niekalki razoŭ udaryŭ milicyjanta pa hałavie na prypynku tralejbusa kala płoščy Banhałor.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby1
Kamientary