Arhkamitet pa zbory podpisaŭ za pierahlad kancepcyi zakonaprajekta «Ab supraćdziejańni chatniamu hvałtu» atrymaŭ adkaz z MUS na kalektyŭny zvarot, piša Katolik.life.
20 kastryčnika arhkamitet pa zbory podpisaŭ za pierahlad kancepcyi zakonaprajekta «Ab supraćdziejańni chatniamu hvałtu» Ministerstva ŭnutranych spraŭ Biełarusi atrymaŭ adkaz z MUS na kalektyŭny zvarot. U liście paviedamlajecca, što MUS ličyć metazhodnym admovicca ad padrychtoŭki samastojnaha zakona, a svaje prapanovy prapracoŭvać ŭ ramkach karekciroŭki dziejučych zakanadaŭčych aktaŭ krainy. Takoje rašeńnie źviazana z «vysokim hramadskim rezanansam i mierkavańniem relihijnych arhanizacyj, havorycca ŭ adkazie za podpisam pradstaŭnika MUS Aleha Karazieja.
Razam z tym u liście skazana, što kožny hod u orhany ŭnutranych spraŭ Biełarusi pastupajuć źviestki pra zvyš za 120 tysiač siamiejna-bytavych kanfliktaŭ. Pry hetym da administracyjnaj adkaznaści pryciahvajucca bolš za 50 tysiač, da kryminalnaj — kala 2,5 tysiač vinavatych.
Štohod ad ruk svaich blizkich hinie zvyš za 100 hramadzian — heta tracina ŭsich zahinułych ad zabojstvaŭ i ciažkich cialesnych paškodžańniaŭ. I ŭ bolš za 80% vypadkaŭ pieršapryčynaj złačynstvaŭ i pravaparušeńniaŭ u siamiejna-bytavych adnosinach źjaŭlajecca złoŭžyvańnie ałkaholem.
— Klučavymi zachadami ŭ prafiłaktycy hvałtu ŭ siamji źjaŭlajucca prafiłaktyčnaja razmova, aficyjnaje papiaredžańnie, ažyćciaŭleńnie prafiłaktyčnaha ŭliku, achoŭnaje pradpisańnie. Tamu ŭ metach vykanańnia płana padrychtoŭki zakonaprajektaŭ na 2018 hod MUS sumiesna z zacikaŭlenymi dziaržaŭnymi orhanami byŭ padrychtavany prajekt kancepcyi zakona «Ab supraćdziejańni chatniamu hvałtu», — havorycca ŭ adkazie.
Pa słovach pradstaŭnika MUS, kancepcyja nie niasie pahrozy tradycyjnamu instytutu siamji, nie stavić metaj źmieny aznačeńniaŭ siamji, šlubu i siamiejnych adnosin, nie ŭstanaŭlivaje zabarony na vychavańnie dziaciej, nie ŭtrymlivaje pałažeńnia «juvienalnaj justycyi»
— Asnoŭnymi metami padrychtoŭki kancepcyi źjaŭlalisia nie ŭviadzieńnie novych mietadaŭ i formaŭ vychavańnia dziaciej, a abarona pravoŭ i zakonnych intaresaŭ hramadzian, jakija padviarhajucca chatniamu hvałtu, — piša Aleh Karaziej. — Paniaćci «hiendar» i «hiendarnaja roŭnaść» nie ŭvodziacca prajektam kancepcyi. Paniaćcie «chatni hvałt» dakładna vyznačaje, što heta naŭmysnyja supraćpraŭnyja dziejańni.
Tamu, jak tłumačyć pradstaŭnik MUS, patrabavańnie adnoj asoby da druhoj — naprykład, vykanać jakuju-niebudź pracu pa chacie — nie budzie kvalifikavacca jak chatni hvałt — kali jano nie parušaje pravoŭ, svabod i zakonnych intaresaŭ, nie pryčyniaje fizičnych i psichičnych pakutaŭ.
Pry dapracoŭcy kancepcyi byli vydalenyja niekatoryja terminy, naprykład, ekanamičny hvałt.
Byli praduhledžanyja zachady, nakiravanyja na niedapuščeńnie nieabhruntavanaha ŭmiašańnia va ŭnutrysiamiejnyja adnosiny, pašyranyja pałažeńni, jakija ŭstaloŭvajuć sistemu abarony pravoŭ i zakonnych intaresaŭ «kryŭdzicielaŭ».
Adnak u kancy lista MUS ukazvaje na toje, što paśla rezanansu ŭ hramadstvie i vykazvańniaŭ relihijnych arhanizacyj ad padrychtoŭki asobnaha zakona ŭ ministerstvie vyrašyli admovicca.
Čytajcie taksama:
«Duraść, uziataja z Zachadu». Łukašenka žorstka raskrytykavaŭ zakonaprajekt ab supraćdziejańni chatniamu hvałtu
Łukašenka suprać zakona ab chatnim hvałcie: Remień časam karysny, Vicia časta atrymlivaŭ ad mianie
Biełarusy apisvajuć historyi chatniaha hvałtu pad chešteham-reakcyjaj na zajavu Łukašenki
Prychilniki zakona ab chatnim hvałcie abjadnalisia ŭ supołku «Maršyruj, dzietka» i rychtujuć płan dziejańniaŭ pa jaho ratavańni. Jaki?
«Skazaŭ: ja tut ničoha prasić nie budu». Žonka raskazała, jak Vieramiejčyka pryznali pahrozaj u Litvie17
Kamientary