«Razryvać staryja pahadnieńni pa razzbrajeńni ni ŭ jakim razie nielha. Niaŭžo ciažka zrazumieć, što admova ad hetych pahadnieńniaŭ, jak kažuć u narodzie, nie ad vialikaha rozumu?» — zajaviŭ Michaił Harbačoŭ u intervju «Interfaksu».
Jon dadaŭ, što ličyć namier Trampa pamyłkaj i vielmi dziŭnym.
Dasiahnutyja pahadnieńni treba zachoŭvać, bo jany praduhledžvajuć kantrol, i heta treba šanavać, dadaŭ były prezident SSSR. «Kali jany nie viedajuć, što treba rabić, ja mahu padkazać. Treba admovicca ad chvaroby, jakaja nosić nazvu «imknieńnie da nievykanańnia padpisanych damovaŭ i pahadnieńniaŭ ab jadziernym razzbrajeńni!» — padkreśliŭ Harbačoŭ.
Jon taksama zaklikaŭ usich, kamu darahi śviet bieź jadziernaj zbroi, nie padtrymlivać rašeńnie Vašynhtona.
Napiaredadni na sustrečy sa svaimi prychilnikami ŭ štacie Nievada Tramp zajaviŭ, što maje namier vyjści z Damovy pra rakiety siaredniaj i małoj dalnaści (DRSMD), abvinavaciŭšy Maskvu ŭ parušeńni damovy. Pavodle jaho, u Rasii raspracoŭvajuć rakietnyja sistemy, z dapamohaj jakich možna nanieści jadzierny ŭdar pa krainach Jeŭropy.
Namieśnik kiraŭnika MZS Rasii Siarhiej Rabkoŭ ŭ adkaz na słovy Trampa zajaviŭ, što kali ZŠA praciahnuć ŭ adnabakovym paradku vychodzić z pahadnieńniaŭ, to Maskvie «ničoha nie zastaniecca, akramia jak raspačać zachady ŭ adkaz, u tym liku vajenna-techničnaha charaktaru.
Damova ab rakietach siaredniaj i małoj dalnaści była padpisanaja 8 śniežnia 1987 hoda padčas vizitu savieckaha lidara Michaiła Harbačova ŭ Vašynhton.
Upieršyniu pad skaračeńnie trapiŭ ceły kłas rakietnaha ŭzbrajeńnia z dalnaściu paražeńnia ad 500 da 1000 i ad 1000 da 5500 kiłamietraŭ, u tym liku rakiety R-12 i R-14, jakija SSSR ŭ 1962 hodzie raźmiaściŭ na Kubie, što spravakavała Karybski kryzis. U mai 1991 hoda damova była całkam vykananaja, kali SSSR źniščyŭ 1752 balistyčnyja i kryłatyja rakiety naziemnaha baziravańnia, ZŠA — 859. Dakumient maje biesterminovy charaktar. Pry hetym kožny z bakoŭ maje prava jaho skasavać, pradstaviŭšy pierakanaŭčyja dokazy ab nieabchodnaści vychadu ź jaho.
ZŠA, tym nie mienš, upeŭnienyja, što Rasija raspracoŭvaje novyja nośbity jadziernaj zbroi ŭ parušeńnie hetaj damovy.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary