U Labiedźki kanfiskavali paŭtary tysiačy ŭlotak
Aktyvistaŭ AHP čatyry hadziny pratrymali ŭ milicejskim pastarunku ŭ Astraŭcy, a potym adpuścili.
Z ranicy Anatol Labiedźka byŭ u Ašmianach, dzie razdavaŭ na rynku ulotki adnosna chutkaha pradprymalnickaha strajku, a taksama suprać budaŭnictva AES. Potym toj samy scenar paŭtaryŭsia ŭ Astraŭcy.
Kali lider AHP sprabavaŭ vyjechać z horadu ŭ viosku Michališki, dzie, mahčyma, zbudujuć AES, jahonuju mašynu zatrymali supracoŭniki milicyi.
Ciapier Labiedźka razam z svaimi paputčykami znachodzicca ŭ astravieckim RUUS. Sam palityk daŭ piśmovyja tłumačeńni adnosna razdačy ŭlotak. Pavodle Ivana Kruka, u pastarunak pryjechaŭ i načalnik miascovaha KDB sp.Šmurej.
Ciapier milicyjanty kanfiskoŭvajuć ulotki, jaki atrymałasia znajści ŭ mašynie. Administracyjnyja pratakoły pakul ni na kaho nie składali.
***
15:44 Anatola Labiedźku advieźli ŭ kamendaturu pamiežnych vojskaŭ. Pryčyna - parušeńnie praviłaŭ znachodžańnia ŭ pahraničnaj zonie. U pastarunku skłali pratakoł ab kanfiskacyi ŭlotak.
***
17:29 Usich zatrymanych adpuścili.
Padčas vobšuku mašyny byli kanfiskavanyja 1 200 ulotak da pradprymalnickaha maršu, 300 -- "ab svabodzie ŚMI", i 25 dyskaŭ ź pieradačami "Biełsatu".
Pavodle słovaŭ Anatola Labiedzki, usia hetaja pradukcyja budzie prachodzić ekspertyzu nakont najaŭnaści ŭ joj antydziaržaŭnaha źmiestu.
U pahraničnaj kamendatury Hudahaj namieśnik načalnika prapanavaŭ zatrymanym napisać zajavu , što ŭ pamiežnaj zonie jany znachodzilisia tranzitam, paśla čaho ŭsich znoŭ advieźli ŭ milicejski pastarunak.
Tam A. Labiedźku paprasili napisać zajavu, što jon nia maje pretenzij da dziejańniaŭ milicyjantaŭ. Palityk zhadziŭsia, ale napisaŭ, što maje pretenzii da palityčnaha kiraŭnictva krainy. Milicyju hety adkaz całkam zadavoliŭ. Na tym i razyšlisia.
Kamientary