4 červienia ŭ polskim Urocłavie były kiraŭnik Biełarusi Stanisłaŭ Šuškievič atrymaŭ prestyžnuju ŭznaharodu imia šmathadovaha dyrektara polskaj słužby Radyjo Svabodnaja Eŭropa Jana Novaka-Jeziorańskaha. Uznaharoda ŭručajecca treci raz - jaje papiarednimi laŭreatami byli były premjer-ministar Polščy Tadevuš Mazavieci i były prezydent ZŠA Džordž Buš starejšy.
4 červienia ŭ polskim Urocłavie były kiraŭnik Biełarusi Stanisłaŭ Šuškievič atrymaŭ prestyžnuju ŭznaharodu imia šmathadovaha dyrektara polskaj słužby Radyjo Svabodnaja Eŭropa Jana Novaka-Jeziorańskaha. Uznaharoda ŭručajecca treci raz - jaje papiarednimi laŭreatami byli były premjer-ministar Polščy Tadevuš Mazavieci i były prezydent ZŠA Džordž Buš starejšy.
Uznaharodu imia Jana Novaka-Jeziorańskaha ŭručajuć 4 červienia - u dzień, kali ŭ Polščy adbylisia pieršyja častkova volnyja vybary, u jakich pradstaŭniki «Salidarnaści» atrymali rašučuju pieramohu - hety dzień ličycca dniom padzieńnia kamunizmu ŭ Polščy.
Andžej Dambroŭski - strašynia Kalehijumu ŭschodniaj Eŭropy, adnaho z hałoŭnych zasnavalnikaŭ uznaharody, skazaŭ našamu radyjo, što hetaja ŭznaharoda pieradusim - dla niezaležnaj i volnaj Biełarusi.
(Dambroŭski: ) «Prafesar Stanisłaŭ Šuškievič - heta symbaličnaja postać dla našaj častki Eŭropy. Heta jon, razam z prezydentami Rasiei i Ukrainy, padpisaŭ damŭlenaść ab spynieńni isnavańnia Savieckaha Sajuzu. Laŭraty našaj uznaharody - heta symbaličnyja asoby. Tadevuš Mazaviecki byŭ pieršym niekamunistyčnym premjeram va ŭschodniaj Eŭropie, a Džordž Buš starejšy zrabiŭ vializny ŭniosak u vyzvaleńnie Polščy ad kamunizmu. Spadar Šuškievič budavaŭ niezaležnuju Biełaruś, a kali da ŭłady pryjšoŭ Alaksandar Łukašenka, staŭ da jaho ŭ apazycyju i praciahvaje pracavać na karyść demakratyčnaj Biełarusi. Jon - zasłužany čałaviek, ale hetaja ŭnaharoda pieradusim dla biełarusaŭ, dla niezaležnaj i volnaj Biełarusi»
U cyrymonii ŭručeńnia ŭznaharody imia Jan Novaka-Jeziorańskaha brali ŭdzieł viadomyja polskija palityčnyja i hramadzkija dziejačy, pradstaŭniki ŭradu, dyplamaty, hości ź Biełarusi.
Stanisłaŭ Šuškieivč skazaŭ, što vielmi ciešycca, što jahonuju dziejnaść tak vysoka acanili.
(Šuškievič: ) «Ja baču šmat intelihiencyi, jakaja razumieje, što robicca ciapier u našaj krainie i što heta naša ahulnaja sprava - pazbavicca ad apošniaj dyktatury ŭ Eŭropie».
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary