Prakuratura ŭ Bierlinie vystaviła abvinavačańnie ŭ datyčnaści da zabojstva pa mienšaj miery 36 tysiač čałaviek u dačynieńni da 95-hadovaha byłoha člena SS, eks-achoŭnika kancłahiera Maŭtchaŭzien padčas Druhoj suśvietnaj vajny, paviedamlaje tabłoid Bild.
Beihilfe zum Mord - Anklage gegen KZ-Wachmann Werner H. (95) https://t.co/sP74tv9fX9
Adznačajecca, što Viernier H. pracavaŭ u padraździaleńni SS, jakoje achoŭvała kancentracyjny łahier Maŭtchaŭzien na terytoryi Aŭstryi. Pavodle vydańnia, ciapier jon žyvie ŭ Bierlinie.
Ciapier ziamielny sud Bierlina pavinien pryniać rašeńnie ab zaćviardžeńni abvinavaŭčaha aktu.
Raniej prakuratura Štutharta taksama vystaviła abvinavačańnie ŭ datyčnaści da zabojstva 13 tysiač 335 čałaviek u dačynieńni da 94-hadovaha byłoha člena SS, eks-achoŭnika kancłahiera «Aŭšvic-Birkienau».
Kancłahier Maŭtchaŭzien byŭ pabudavany na bazie hranitnych kamieniałomniaŭ ŭ 1938 hodzie, adrazu paśla dałučeńnia Aŭstryi da nacysckaj Hiermanii. Jon staŭ centram šyrokaj sistemy łahieraŭ, viadomaj jak Maŭtchaŭzien-Huzien, u jakuju ŭvachodzili 49 filijałaŭ pa ŭsioj krainie.
U pačatku maja 1945 hoda łahier byŭ vyzvaleny amierykanskimi vajskoŭcami.
Ad 1938 da 1945 u Maŭtchaŭzienie zahinuli kala 90 tysiač čałaviek z 70 krain, u tym liku tysiačy vajennapałonnych, siarod jakich Hieroj Savieckaha Sajuza hienierał-lejtenant Dźmitryj Karbyšaŭ. Na siońniašni dzień viadomyja imiony bolš jak 81 tysiačy zahinułych, ź ich 15 633 - hramadzianie SSSR. Bolš za ŭsio ŭ Mautchauzienie zahinuła hramadzian mižvajennaj Polščy.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary