Пракуратура ў Берліне выставіла абвінавачанне ў датычнасці да забойства па меншай меры 36 тысяч чалавек у дачыненні да 95-гадовага былога члена СС, экс-ахоўніка канцлагера Маўтхаўзен падчас Другой сусветнай вайны, паведамляе таблоід Bild.
Beihilfe zum Mord - Anklage gegen KZ-Wachmann Werner H. (95) https://t.co/sP74tv9fX9
Адзначаецца, што Вернер Г. працаваў у падраздзяленні СС, якое ахоўвала канцэнтрацыйны лагер Маўтхаўзен на тэрыторыі Аўстрыі. Паводле выдання, цяпер ён жыве ў Берліне.
Цяпер зямельны суд Берліна павінен прыняць рашэнне аб зацвярджэнні абвінаваўчага акту.
Раней пракуратура Штутгарта таксама выставіла абвінавачанне ў датычнасці да забойства 13 тысяч 335 чалавек у дачыненні да 94-гадовага былога члена СС, экс-ахоўніка канцлагера «Аўшвіц-Біркенау».
Канцлагер Маўтхаўзен быў пабудаваны на базе гранітных каменяломняў ў 1938 годзе, адразу пасля далучэння Аўстрыі да нацысцкай Германіі. Ён стаў цэнтрам шырокай сістэмы лагераў, вядомай як Маўтхаўзен-Гузен, у якую ўваходзілі 49 філіялаў па ўсёй краіне.
У пачатку мая 1945 года лагер быў вызвалены амерыканскімі вайскоўцамі.
Ад 1938 да 1945 у Маўтхаўзене загінулі каля 90 тысяч чалавек з 70 краін, у тым ліку тысячы ваеннапалонных, сярод якіх Герой Савецкага Саюза генерал-лейтэнант Дзмітрый Карбышаў. На сённяшні дзень вядомыя імёны больш як 81 тысячы загінулых, з іх 15 633 - грамадзяне СССР. Больш за ўсё ў Маутхаузене загінула грамадзян міжваеннай Польшчы.
Малады работнік «Мінск-Арэны» павінен заплаціць 71 мільён даляраў4
Каментары