Biaspłatny Wi-Fi źjavicca na dziesiaci stancyjach staličnaha mietro ŭ 2019 hodzie, paviedamlaje «Dziełavaja sietka».
U pieršuju čarhu (uviesnu 2019 hodu) napiaredadni II Jeŭrapiejskich hulniaŭ padklučać šeść stancyj mietro, pobač ź jakimi znachodziacca asnoŭnyja spartyŭnyja abjekty Minska. Havorka pra «Aŭtazavodskuju» (kala «Čyžoŭka-Areny»), «Płošču Lenina» i «Pieršamajskuju» (kala stadyjona «Dynama»), «Niamihu» (kala Pałaca sportu), «Uručča» (kala adnajmiennaha spartyŭnaha kompleksu). Stancyja mietro «Piatroŭščyna» maje vychad da Studenckaj vioski, u jakoj padčas hulniaŭ buduć žyć zamiežnyja spartsmieny. Da kanca nastupnaha hoda biaspłatny internet budzie dastupny jašče na čatyroch stancyjach: «Kamiennaja Horka», «Mahiloŭskaja», «Płošča Jakuba Kołasa», «Akademija navuk».
Punkty abranyja z ulikam pasažyrapatoku.
Realizacyjaj prajekta zajmajecca TAA «Dziełavaja sietka».
Kamientary