Vybary ŭ Armienii: u parłamient prajšli tolki Pašynian i jaho sajuźniki pa revalucyi
Partyja eks-prezidentaŭ Armienii Sarhsiana i Kačarana niedaciahnuła da prachadnoha barjera.
Razhromna pieramoh vybarčy błok «Moj krok» maładoha premjer-ministra Armienii Nikoła Pašyniana. Jon nabraŭ bolš za 70% hałasoŭ. Akramia taho, u parłamient prajšli partyi libieralna-kansiervatyŭnaja «Kvitniejučaja Armienija» z 8% hałasoŭ i prajeŭrapiejskaja «Śvietłaja Armienija» z 7%. Respublikanskaja partyja Armienii eks-prezidentaŭ Sarhsiana i Kačarana nabrała 4,7%. Heta nižej za prachadny barjer, jaki składaje ŭ Armienii 7% błokaŭ i 5% dla asobnych partyj.
Novaje kiraŭnictva Armienii pryjšło da ŭłady na chvali masavych vuličnych pratestaŭ. Niaźmiennyja kiraŭniki Biełarusi, Rasii i Kazachstana ŭspryniali hetyja pieramieny z naściarožanaściu i reŭnaściu.
Pašynian vystupaje na antykarupcyjnaj płatformie. Jon taksama vystupaje za palapšeńnie adnosin ź Jeŭropaj pry adnačasovym datrymańni sajuźnickich i handlovych zabaviazańniaŭ pierad Rasijaj.
Źviarnuła ŭvahu, što jaŭka na vybarach u Armienii nie daciahnuła da 50% — heta našmat mienš, čym na papiarednich. Heta vynik taho, što ciapier nichto nie zahaniaŭ ludziej na daterminovaje hałasavańnie i nie falšavaŭ vynikaŭ jaŭki.
Jašče ź cikavaha: u Armienii spracuje novaja kanstytucyjnaja norma. Kali niejkaja partyja atrymlivaje bolš za dźvie treci hałasoŭ, jaje miescy ŭ parłamiencie abrazajucca da mienš čym 66%, kab jana nie mahła samastojna ŭnieści źmieny ŭ kanstytucyju. A dźvie partyi apazicyi atrymajuć dadatkovyja mandaty deputataŭ.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary