Skandalny rasijski palityk Uładzimir Žyrynoŭski zajaviŭ, što kali Biełaruś choča atrymlivać tanny haz, to pavinna ŭvajści ŭ skład Rasii.
Pavodle jaho słoŭ, adpaviednaje rašeńnie pavinna zychodzić ad Minska dobraachvotna. Svaimi razvažańniami palityk padzialiŭsia na aficyjnym Telegram-kanale.
«My nikoli nie prapanoŭvali siłaj dzialić Biełaruś na vobłaści i pchać ich u Rasiju. Usio tolki dobraachvotna. Ale treba zrazumieć: albo našy ŭzajemaadnosiny rynkavyja, abo ŭvachodźcie ŭ skład Rasii i atrymlivajcie nizkija ceny. A Alaksandr Ryhoravič choča ŭsiadzieć na dźviuch taburetkach. I suvierenitet źbierahčy, i atrymać unutryrasijskija ceny na haz, kab zarablać na pieraprodažy. Tak nie byvaje», — vykazaŭsia Žyrynoŭski.
Akramia taho, jon uspomniŭ mif, što SSSR nibyta «addavaŭ» usie resursy na «ŭskrainy», zabiaśpiečvajučy ich infrastrukturaj.
«Ja ŭpeŭnieny, kali ciapier pravieści ŭ Biełarusi refierendum ab viartańni ŭ skład Rasii — absalutnaja bolšaść padtrymaje heta. U 1990 hodzie za zachavańnie SSSR prahałasavali 82% biełarusaŭ, bolš čym u siarednim pa SSSR», — padsumavaŭ Žyrynoŭski.
Kamientary