Nasta i Źmicier Daškievičy čakajuć treciaje dzicia. Pra heta Źmicier paviedamiŭ u svaim navahodnim zvarocie, jaki jon źmiaściŭ u siabie ŭ fejsbuku.
«Adkryćcio hoda — čałaviek, jakoha nosić pad sercam kachanaja maja žonačka, — napisaŭ Źmicier Daškievič. — Pavodle papiarednich dadzienych, heta dziaŭčynka, i my z Davydam, pakul što, u trymcieńni ad dumki: jak nam być z trymia panienkami ŭ adnoj chacie. Infarmacyja sakretnaja, ale čakajem ad vas padtrymki i, chto maje dośvied, rekamiendacyj», — piša Daškievič u poŭnym humaru tekście.
Siarod inšaha jon adznačaje, što «Razvod(ka) hoda — Alaksandr I i jahonyja 4 miachi bulby, jakimi jon raźličyŭsia sa zvodnym svaim bratam za smaktanuju ceły hod naftu».
Pradprymalniki i hramadskija lidary Daškievičy hadujuć Maru, jakoj 4 hady i 6 miesiacaŭ, i Davyda, jakomu dva hady i 10 miesiacaŭ. Ich firma pa vyrabie mebli «Cieślary» była adnym z hałoŭnych fundataraŭ kancerta na 100-hodździe BNR i vyrabiła 70 kryžoŭ dla miemaryjału ŭ Kurapatach.
«Dziakuj Hospadu za hety dzivosny, poŭny vyprabavańniaŭ i pieramoh 2018 hod! Niachaj 2019-ty budzie jašče pryhažejšym i słaŭniejšym», — piša Daškievič.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary