Hałkipier łondanskaha «Arsienała» Pieter Čech anansavaŭ zaviaršeńnie karjery. Pra heta ŭ aŭtorak, 15 studzienia spartsmien paviedamiŭ u Twitter.
«Heta moj 20-y siezon u jakaści prafiesijnaha futbalista. Ciapier samy ŭdały momant, kab abviaścić, što ja zaviaršu karjeru paśla zakančeńnia hetaha siezona», — napisaŭ 36-hadovy hałkipier.
Čech adznačyŭ, što za 15 hadoŭ vystupaŭ u Anhlijskaj premjer-lizie dasiahnuŭ usich karjernych metaŭ, vyjhraŭšy ŭsie mahčymyja tytuły. Bramnik taksama zapeŭniŭ, što praciahnie pracavać u składzie «Arsienała», kab vyjhrać jašče adzin trafiej.
Pieter Čech — vychavaniec češskaj «Viktoryi». Vialikuju častku karjery (z 2004 pa 2015) hałkipier hulaŭ u składzie inšaha łondanskaha kłuba — «Čełsi», a ŭletku 2015 hoda pierajšoŭ u «Arsienał».
Futbalist piać razoŭ vyjhravaŭ Kubak Anhlii, pa čatyry razy - čempijanat i Supierkubak krainy, trojčy stanaviŭsia ŭładalnikam Kubka lihi. U składzie «Čełsi» pieramahaŭ u Lizie čempijonaŭ i Lizie Jeŭropy. Z 2002 pa 2016 hod vystupaŭ za zbornuju Čechii, razam ź jakoj staŭ bronzavym pryzioram Jeŭra-2004.
Kamientary