Prosta rastaje ŭ rocie! Piroh-sufle z kviacistaj kapusty RECEPT
Adnym z samych niedaacenienych pradstaŭnikoŭ harodniny ja liču kviacistuju kapustu. Ź jaje možna pryhatavać bieźlič straŭ — ad supoŭ da zajedak, užyvać syroj i zhatavanaj, jak asnovu dla sałataŭ i picy — šmat receptaŭ, jakimi my, na žal, vielmi redka karystajemsia.
Tamu siońnia ja prapanuju vam recept stravy, jakaja dakładna spadabajecca ŭsim, bo tut smak kapusty vielmi dobra adcianiajecca syrnym sousam i jajkami. I, na maju dumku, hety piroh-sufle dobra padydzie jak na śniadanak ci abied, tak i da stała z haściami. Smačna jeści!
Nam spatrebicca:
- hałoŭka kviacistaj kapusty;
- niekalki halinak šałfieju;
- 80 hr. masła;
- 1 čyrvonaja cybulina;
- 80 hr. muki;
- 800 mł małaka;
- 60 hr. syru;
- 1 č. ł. dyžonskaj harčycy;
- 5 jajek;
- 50 hr. kiedravych areškaŭ;
- sol, pierac;
- papryka;
- alej.
Nahravajem duchoŭku da 180 hradusaŭ. Kapustu dzielim nam sukviećci i ŭkładajem u zmazanuju alejem formu. Dadajom jašče 2—3 łyžki aleju, pasypajem sollu i piercam, dadajom šałfiej, pieramiešvajem i hatujem u duchoŭcy prykładna 40—50 chvilin. Kali źvierchu kapusta pačnie pryharać, možna nakryć falhoj.
Tym časam hatujem sous. Cybulu drobna narazajem, masła topim u satejniku. Cybulu smažym u maśle da miakkaści i prazrystaści. Pasypajem mukoj i vielmi chutka pieramiešvajem. Pačynajem patrochu dadavać małako (lepiej jaho padahreć, tak sous atrymajecca bolš adnarodnym), pastajanna pamiešvajem. Kali my dadali ŭsio małako, nie spyniajemsia pieramiešvać — varym da huščyni. Zdymajem z ahniu. Dadajom ciorty syr, harčycu, sol i pierac. Jajki ŭźbivajem u inšaj miscy i tonkim strumieńčykam pačynajem dadavać da sousu, pastajanna miašajem.
Dastajom kapustu z duchoŭki, dajom troški sastyć i narazajem drobnymi kavałačkami. Źmiešvajem kapustu z sousam.
Pierakładajem sumieś u formu, zmazanuju masłam (u mianie było kalco na 24 sm z falhoj zamiest dna). Zapiakajem 45—50 chvilin pry 180 hradusach. Hatoŭnaść možna budzie pravieryć zubačystkaj.
Pasypajem areškami, trochi padsmažanymi z paprykaj.
Ciapier čytajuć
U Varšavu pryjechała sotnia biełaruskich palitviaźniaŭ6
Kamientary